അരുക്കുറ്റി:നദ് വത്തുല്‍ ഇസ്ലാം യു.പി.സ്‌ക്കുളിലെ സ്വാതന്ത്രദിനാഘോഷങ്ങളോട് അനുബന്ധിച്ച് സ്‌നേഹപൂര്‍വം സുപ്രഭാതം പദ്ധതിക്ക് തുടക്കമായി. സക്കുള്‍ അങ്കണത്തില്‍ നടന്ന ചടങ്ങില്‍ സ്‌ക്കൂള്‍ മാനേജര്‍ ടി.എ മുഹമ്മദുകുട്ടിയുടെ കൈയില്‍ നിന്ന് സ്‌ക്കൂള്‍ ലീഡര്‍ സഫിദ യാസ്മിനും എച്ച്. എം. ഇന്‍ചാര്‍ജ് സലീമയും കോപ്പി കള്‍ ഏറ്റുവാങ്ങി.
തുടര്‍ന്ന് നടന്ന സമ്മേളനത്തില്‍ പി.ടി.എ പ്രസിഡന്റ് ജലീല്‍ അരൂക്കുറ്റി അധ്യക്ഷത വഹിച്ചു. സ്വാതന്ത്രദിനാഘോഷങ്ങള്‍ മാനേജര്‍ ടി.എ മുഹമ്മദ് കുട്ടി ഉദ്ഘാടനം ചെയ്തു.പൂച്ചാക്കല്‍ പൊലീസ് സ്റ്റേഷന്‍ സബ് ഇന്‍സ്‌പെക്ടര്‍ സുരേഷ് കുമാര്‍ സ്വാതന്ത്രദിനസന്ദേശം നല്‍കി. സുപ്രഭാതം ജില്ലാ ഓര്‍ഗൈനസര്‍ ഷാഫി റഹ്മത്തുള്ള സ്‌നേഹപൂര്‍വം സുപ്രഭാതം സ്‌ക്കൂള്‍ പദ്ധതി വിശദീകരിച്ചു.
സുപ്രഭാതം പ്രവര്‍ത്തകരായ ഷാജഹാന്‍ വടുതല, കെ.ബഷീര്‍ മൗലവി, സുലൈമാന്‍ ദാരിമി, മദര്‍ പി.റ്റി.എ പ്രസിഡന്റും ഗ്രാമപഞ്ചായത്ത് വാര്‍ഡ് മെമ്പറുമായ മുംതാസ്, പി.ടി.എ  വൈസ് പ്രസിഡന്റ് സുരേഷ് ബാബു, ജസീന ടീച്ചര്‍ എന്നിവര്‍ സംസാരിച്ചു.
ടീച്ചര്‍ ഇന്‍ചാര്‍ജ് സലീമ സി.എം.സ്വാഗതവും പി.ടി.എ സെക്രട്ടറി പി.എ അന്‍സാരി നന്ദിയും പറഞ്ഞു. സ്വാതന്ത്രദിനാഘോഷത്തോട് അനുബന്ധിച്ച് പ്രീപ്രൈമറി കുട്ടികളുടെ റാലിയും മല്‍സരങ്ങളും സംഘടിപ്പിച്ചിരുന്നു. വിജയികളായവര്‍ക്ക് റംലത്ത് ഇ. ബീനാകുമാരി. വി.ഐ, ശൈലജ എസ്. എന്നിവര്‍ സമ്മാനങ്ങള്‍ നല്‍കി.