ന്യൂഡല്‍ഹി: ഹൂതികളുടെ ആക്രമണത്തിനിരയായ ബ്രിട്ടിഷ് എണ്ണക്കപ്പല്‍ 'മാര്‍ലിന്‍ ലുവാണ്ട'യില്‍ 22 ഇന്ത്യക്കാരും ഉള്ളതായി ഇന്ത്യന്‍ നാവികസേന അറിയിച്ചു. ഗള്‍ഫ് ഓഫ് ഏദനിലുണ്ടായ ആക്രമണത്തില്‍ കപ്പലിനു തീപിടിച്ചു. തീ അണയ്ക്കാനുള്ള ശ്രമം പുരോഗമിക്കുകയാണ്. രക്ഷാപ്രവര്‍ത്തനത്തിനായി ഇന്ത്യന്‍ നാവികസേന എത്തിയിട്ടുണ്ട്.

വെള്ളിയാഴ്ച രാത്രിയായിരുന്നു ആക്രമണം. കപ്പലിനു തീപിടിച്ചെന്ന വിവരം ലഭിച്ചപ്പോള്‍ തന്നെ ഇന്ത്യന്‍ നാവിക സേനയുടെ ഐഎന്‍എസ് വിശാഖപട്ടണം എന്ന കപ്പല്‍ രക്ഷാപ്രവര്‍ത്തനത്തിനായി ഗള്‍ഫ് ഓഫ് ഏദനിലെത്തി. കപ്പലില്‍ 22 ഇന്ത്യക്കാരും ഒരു ബംഗ്ലദേശ് സ്വദേശിയുമുള്ളതായി നാവിക സേന അറിയിച്ചു.

അടുത്തിടെ ചെങ്കടലില്‍ ഒരു യുഎസ് ചരക്കു കപ്പലിനു നേരെയും ഹൂതികളുടെ ആക്രമണമുണ്ടായിരുന്നു.

ഹൂതികള്‍ ആക്രമിച്ച ബ്രിട്ടിഷ് എണ്ണക്കപ്പലില്‍ 22 ഇന്ത്യക്കാര്‍; രക്ഷാപ്രവര്‍ത്തനത്തിനു നാവിക സേനയും