ബംഗളൂരു: നാളെ സമസ്ത നൂറാം വാര്‍ഷിക ഉദ്ഘാടന സമ്മേളനത്തിന് മുന്നോടിയായി ശംസുല്‍ ഉലമ നഗരിയില്‍ നടന്ന മജ്‌ലിസുന്നൂര്‍ ആത്മീയ പ്രൗഡി പകര്‍ന്നു. ആത്മസാഫല്യത്തിന്റെ നിറ മനസോടെ പ്രാര്‍ഥനയിലലിഞ്ഞ് മജ്‌ലിസുന്നൂര്‍ ആത്മീയ സംഗമത്തില്‍ സാദാത്തുക്കള്‍, പണ്ഡിതന്‍മാര്‍ നേതൃത്വം നല്‍കി. സമസ്ത കേരള ജംഇയ്യത്തുല്‍ ഉലമയുടെ നൂറാം വാര്‍ഷിക ഉദ്ഘാടന സമ്മേളനത്തിന്റെ മുന്നോടിയായാണ് മജ്‌ലിസുന്നൂര്‍ നടത്തിയത്. ഭക്തിസാന്ദ്രമായ സദസിനു മജ്‌ലിസുന്നൂര്‍ സംസ്ഥാന അമീര്‍ സയ്യിദ് മുഹമ്മദ് കോയ തങ്ങള്‍ ജമലുല്ലൈലി നേതൃത്വം നല്‍കി. സമസ്ത ട്രഷറര്‍ പി.പി ഉമര്‍ മുസ്‌ലിയാര്‍ കൊയ്യോട് ആമുഖപ്രഭാഷണം നടത്തി. സമസ്ത വൈസ് പ്രസിഡന്റ് യു.എം അബ്ദുറഹിമാന്‍ മുസ്‌ലിയാര്‍ പ്രാര്‍ഥന നടത്തി. മുശാവറ അംഗങ്ങളായ ആദ്യശ്ശേരി ഹംസക്കുട്ടി മുസ്‌ലിയാര്‍, ബംബ്രാണ അബ്ദുല്‍ഖാദര്‍ മുസ്‌ലിയാര്‍, വി.മൂസക്കോയ മുസ്‌ലിയാര്‍ വയനാട്, എം.എം അബ്ദുല്ല മുസ്‌ലിയാര്‍ കുടക്, ഉസ്മാന്‍ ഫൈസി തോടാര്‍, പാണക്കാട് സയ്യിദ് ഹാഷിറലി ശിഹാബ് തങ്ങള്‍ തുടങ്ങിയവര്‍ സംബന്ധിച്ചു.

ബംഗളൂരു ശംസുല്‍ ഉലമാ നഗറില്‍ ആത്മീയ പ്രൗഢിയായി മജ്‌ലിസുന്നൂര്‍