ശ്രീനഗര്‍: കശ്മീരിലെ ബരാമുള്ളയില്‍ സുരക്ഷാ ഉദ്യോഗസ്ഥരുടെ വാഹനവ്യൂഹത്തിന് നേരെയുണ്ടായ തീവ്രവാദി ആക്രമണത്തില്‍ രണ്ടു സൈനികരുള്‍പ്പെടെ മൂന്നു പേര്‍ കൊല്ലപ്പെട്ടു. കൊല്ലപ്പെട്ടവരില്‍ ഒരാള്‍ പൊലിസ് ഉദ്യോഗസ്ഥനാണ്.

ആക്രമണത്തില്‍ രണ്ട് പൊലിസ് ഉദ്യോഗസ്ഥര്‍ക്ക് പരുക്കേറ്റിട്ടുണ്ട്. ഇന്നു പുലര്‍ച്ചെ 2.30 ഓടെയാണ് ആക്രമണമുണ്ടായത്. ബരാമുള്ളയിലെ ക്വാജാബാഗില്‍ വെച്ച് ഭീകരര്‍ സൈനിക വാഹനത്തിനു നേരെ വെടിയുതിര്‍ക്കുകയായിരുന്നു.

ആക്രമണത്തിനു ശേഷം ഭീകരര്‍ രക്ഷപ്പെട്ടു. ഇവര്‍ക്കായുള്ള തെരച്ചില്‍ ഊര്‍ജിതമാക്കിയതായി പൊലിസ് ഉദ്യോഗസ്ഥന്‍ അറിയിച്ചു.