യുഎഇയിൽ മേഘാവൃതമായ കാലാവസ്ഥ; താപനില 15 ഡിഗ്രി സെൽഷ്യസായി കുറയും

അബുദാബി: നാഷണൽ സെൻ്റർ ഓഫ് മെറ്റീരിയോളജി (എൻ.സി.എം) പ്രകാരം യുഎഇയിലെ കാലാവസ്ഥ ഭാഗികമായി മേഘാവൃതമായിരിക്കും. ഉച്ചയോടെ ദ്വീപുകളിലും ചില പടിഞ്ഞാറൻ പ്രദേശങ്ങളിലും ആകാശം മേഘാവൃതമാകുമെന്ന് പ്രതീക്ഷിക്കുന്നതായും എൻ.സി.എം അറിയിച്ചു.

അബുദാബിയിൽ 21 ഡിഗ്രി സെൽഷ്യസിനും 25 ഡിഗ്രി സെൽഷ്യസിനും ഇടയിലും ദുബായിൽ 22 ഡിഗ്രി സെൽഷ്യസിനും 26 ഡിഗ്രി സെൽഷ്യസിനും ഇടയിലായിരിക്കും താപനില. പർവതപ്രദേശങ്ങളിൽ മെർക്കുറി 15 ഡിഗ്രി സെൽഷ്യസായി കുറയും.

നേരിയതോ മിതമായതോ ആയ കാറ്റ് വീശും. അറേബ്യൻ ഗൾഫിലും ഒമാൻ കടലിലും കടൽ പ്രക്ഷുബ്ധമായേക്കാം.