കണ്ണ് തുറക്കാതെ സർക്കാർ; എൻഡോസൾഫാൻ ദുരിതബാധിതർ ഇന്ന് വീണ്ടും സമരം തുടങ്ങുന്നു

കാസർഗോഡ്: എൻഡോസൾഫാൻ ദുരിതബാധിതർ ഇന്ന് മുതൽ വീണ്ടും സമരം തുടങ്ങുന്നു. എ​ൻ​ഡോ​സ​ൾ​ഫാ​ൻ ദു​രി​ത​ബാ​ധി​ത​രാ​യി മെ​ഡി​ക്ക​ൽ ക്യാ​മ്പു​വ​ഴി ക​ണ്ടെ​ത്തി​യ 874 പേ​ർ​ക്ക് ആ​നു​കൂ​ല്യ​ങ്ങ​ൾ ന​ൽ​ക​ണ​മെ​ന്നാ​വ​ശ്യ​പ്പെട്ടാണ് സമരം തുടങ്ങുന്നത്. കാഞ്ഞങ്ങാട് മിനി സിവിൽ സ്റ്റേഷന് മുന്നിലാണ് എ​ൻ​ഡോ​സ​ൾ​ഫാ​ൻ പീ​ഡി​ത ജ​ന​കീ​യ മു​ന്ന​ണിയുടെ നേതൃത്വത്തിൽ അനിശ്ചിതകാല സമരം ആരംഭിക്കുന്നത്. ലിസ്റ്റിൽ നിന്ന് സർക്കാർ ഒഴിവാക്കിയ 1031 തിരിച്ചെടുക്കണമെന്ന ആവശ്യവും സമരത്തിന്റെ മുഖ്യ ആവശ്യമാണ്.

2017 ഏ​പ്രി​ലിൽ മെ​ഡി​ക്ക​ൽ ക്യാ​മ്പു​ക​ൾ ന​ട​ത്തി 1905 ദു​രി​ത​ബാ​ധി​ത​രെ ക​ണ്ടെ​ത്തിയിരുന്നു. ബ​ദി​യ​ടു​ക്ക, ബോ​വി​ക്കാ​നം, പെ​രി​യ, രാ​ജ​പു​രം, ചീ​മേ​നി പ്ര​ദേ​ശ​ങ്ങ​ളി​ൽ നടത്തിയ ക്യാമ്പിലാണ് ഇത്രയും പേരെ ദുരിതബാധിതരായി കണ്ടെത്തിയത്. പു​ന​ര​ധി​വാ​സ സെ​ല്ലി​ന്റെ ചു​മ​ത​ല​യു​ള്ള ഡെ​പ്യൂ​ട്ടി ക​ല​ക്ട​ർ 1905 ദു​രി​ത​ബാ​ധി​ത​രു​ടെ അ​ന്തി​മ ലി​സ്റ്റ് ത​യാ​റാ​ക്കി അ​വ​ത​രി​പ്പി​ക്കാ​ൻ തയ്യാറായിരുന്നു. എന്നാൽ ഇത് സ​ർ​ക്കാ​ർ ത​ട​ഞ്ഞു. ശേഷം 1905 പേരുടെ പട്ടികയിൽ നിന്ന് വെട്ടിച്ചുരുക്കി പ​ട്ടി​ക 287 ആ​യി സെ​ല്ലി​ൽ അ​വ​ത​രി​പ്പി​ച്ചു. പിന്നീട് പ്ര​തി​ഷേ​ധ​ത്തെ തു​ട​ർ​ന്ന് 76 പേ​രെ കൂ​ട്ടി​ച്ചേ​ർ​ത്തു.

2019 ജ​നു​വ​രി 30 മു​ത​ൽ തി​രു​വ​ന​ന്ത​പു​രം സെ​ക്രട്ടേറി​യ​റ്റി​ന് മു​മ്പി​ൽ അ​മ്മ​മാ​ർ നടത്തിയ അ​നി​ശ്ചി​ത​കാ​ല പ​ട്ടി​ണി സ​മ​ര​ത്തെ തു​ട​ർ​ന്ന് 1905 ൽ ​പെ​ട്ട 18 വ​യ​സി​ൽ താ​ഴെ​യു​ള്ള കു​ട്ടി​ക​ളെ പ​രി​ശോ​ധ​ന​ക​ളൊ​ന്നും ന​ട​ത്താ​തെ ലി​സ്റ്റി​ൽ പെ​ടു​ത്താ​നും ബാ​ക്കി​യു​ള്ള​വ​രു​ടെ മെ​ഡി​ക്ക​ൽ വി​വ​ര​ങ്ങ​ൾ പ​രി​ശോ​ധി​ച്ച് അ​ർ​ഹ​രെ ഉ​ൾ​പ്പെ​ടു​ത്താ​നും മു​ഖ്യ​മ​ന്ത്രി പി​ണ​റാ​യി വി​ജ​യ​ന്റെ സാ​ന്നി​ധ്യ​ത്തി​ൽ തീ​രു​മാ​ന​മാ​യി. ഇ​തി​ന്റെ അ​ടി​സ്ഥാ​ന​ത്തി​ൽ 18 വ​യ​സ്സി​ൽ താ​ഴെ​യു​ള്ള 511 കു​ട്ടി​ക​ളെ കൂ​ടി ലി​സ്റ്റി​ൽപെ​ടു​ത്തി. ഇതോടെ ലിസ്റ്റിൽപ്പെട്ടവരുടെ എണ്ണവും 874 ആയി. എ​ന്നാ​ൽ, ബാ​ക്കി 1031 പേർ അപ്പോഴും പുറത്താക്കപ്പെട്ടു. ഇവരുടെ കാ​ര്യ​ത്തി​ൽ പിന്നീട് യാതൊരു നടപടികളുമുണ്ടായില്ല. ഇ​ക്കാ​ര്യ​ത്തി​ൽ തീ​രു​മാ​ന​മെ​ടു​ക്ക​ണ​മെ​ന്ന് ആ​വ​ശ്യ​പ്പെ​ട്ടാ​ണ് ഇന്ന് മുതൽ സമരം ആരംഭിക്കുന്നത്.