ഇടത് അംഗത്തിന്റെ വോട്ട് അസാധുവായി; പിറവത്ത് നഗരസഭ ചെയര്‍പേഴ്‌സണ്‍ തെരഞ്ഞെടുപ്പില്‍ അട്ടിമറി വിജയം നേടി യു.ഡി.എഫ്

കൊച്ചി: എറണാകുളം പിറവം നഗരസഭ ചെയര്‍പേഴ്‌സണ്‍ തെരഞ്ഞെടുപ്പില്‍ അട്ടിമറി വിജയം നേടി യുഡിഎഫ്. യുഡിഎഫ് ചെയര്‍പേഴ്‌സണ്‍ സ്ഥാനാര്‍ത്ഥിയായി മത്സരിച്ച ആറാം ഡിവിഷന്‍ അംഗം ജിന്‍സി രാജു വിജയിച്ചു.

എല്‍.ഡി.എഫിലെ ധാരണ പ്രകാരം സി.പി.എം ചെയര്‍പേഴ്‌സണ്‍ സ്ഥാനം സി.പി.ഐക്ക് കൈമാറാന്‍ രാജി വെച്ചതിനെ തുടര്‍ന്നാണ് തെരഞ്ഞെടുപ്പ് നടന്നത്. മുന്‍ നഗരസഭ ചെയര്‍പേഴ്‌സണ്‍ ഏലിയാമ്മ ഫിലിപ്പിന്റെ വോട്ട് അസാധുവായതോടെ നടന്ന നറുക്കെടുപ്പിലാണ് യു.ഡി.എഫ് സ്ഥാനാര്‍ത്ഥി വിജയിച്ചത്. എല്‍.ഡി.എഫ് 14, യു.ഡി.എഫ് 13 എന്നിങ്ങനെയായിരുന്നു കക്ഷിനില.