ദോഹ: ഗസ്സയില്‍ നാലുമാസത്തോട് അടുത്ത ഇസ്‌റാഈല്‍ ആക്രമണത്തിന് താല്‍ക്കാലിക അറുതിവരുത്തുക എന്ന ലക്ഷ്യത്തോടെ ഖത്തര്‍ നടത്തിവന്ന മധ്യസ്ഥ ചര്‍ച്ചകള്‍ വിജയത്തിലേക്ക്. ചര്‍ച്ചയിലെ നിര്‍ദേശങ്ങള്‍ ഇസ്‌റാഈല്‍ അംഗീകരിച്ചതായും ചര്‍ച്ചയോടുള്ള ഹമാസിന്റെ പ്രഥമികഭ പ്രതികരണം അനുകൂലമാണെന്നും ഖത്തര്‍ വിദേശകാര്യ വക്താവ് അറിയിച്ചു. കരാര്‍ നിര്‍ണായകഘട്ടത്തിലാണെന്ന് അമേരിക്കയും പ്രതികരിച്ചു. കരാര്‍ ഹമാസ് അംഗീകരിച്ചേക്കുമെന്ന് വിദേശമാധ്യമങ്ങളും റിപ്പോര്‍ട്ട്‌ചെയ്തു. ഒരു മാസം മുതല്‍ ഒന്നര മാസം വരെയുള്ള വെടിനിര്‍ത്തല്‍ പ്രഖ്യാപിച്ചേക്കുമെന്നും ഇന്ന് തന്നെ ഇതുസംബന്ധിച്ച് ഔദ്യോഗിക സ്ഥിരീകരണം ഉണ്ടാകുമെന്നുമാണ് റിപ്പോര്‍ട്ട്.

ദിവസങ്ങളായി ഫ്രഞ്ച് തലസ്ഥാനമായ പാരിസ് കേന്ദ്രീകരിച്ച് ഖത്തര്‍, ഈജിപ്ത്, യു.എസ് പ്രതിനിധികള്‍ നടത്തിലവന്ന ചര്‍ച്ചകളുടെ തുടര്‍ച്ചയായാണു പുതിയ നീക്കം.

അതേസമയം, ഗസ്സയില്‍ ഇസ്‌റാഈല്‍ നടത്തിവന്ന ആക്രമണങ്ങള്‍ 118 ദിവസം പിന്നിടുന്നതിനിടെ ആകെ മരണസംഖ്യ 27,000 കടന്നു. കൂട്ടക്കൊല തുടരുന്നതിനിടെ വെസ്റ്റ്ബാങ്കില്‍ പ്രകൃതിയെ 'നോവിച്ച്' ഇസ്‌റാഈല്‍. അധിനിവിഷ്ട വെസ്റ്റ്ബാങ്കിലെ നബ്‌ലുസില്‍ ദാറുഷറഫില്‍ 450തോളം വരുന്ന ഒലിവ്, ബദാം മരങ്ങള്‍ ജൂത കുടിയേറ്റക്കാര്‍ പിഴുതെറിഞ്ഞു. ഫലസ്തീനികളുടെ ഭൂമിയില്‍ അതിക്രമിച്ചു കടന്നാണ് ഇസ്‌റാഈലികള്‍ ക്രൂരത കാട്ടിയത്. ഷാവെയ് ഷോംറോണ്‍ കുടിയേറ്റ കേന്ദ്രങ്ങളില്‍ നിന്നുള്ളവരാണ് അതിക്രമം കാട്ടിയത്. ഇവര്‍ക്ക് ഇസ്‌റാഈല്‍ സൈന്യത്തിന്റെ പിന്തുണ ലഭിക്കുന്നുണ്ടെന്ന് ഫലസ്തീനി ഭൂവുടമകള്‍ പറഞ്ഞു.

US said to back strikes on Iran targets in Iraq, Syria as Gaza truce hopes rise