കോഴിക്കോട് വെളിച്ചെണ്ണ മില്ലില്‍ തീപിടിച്ചു; ലക്ഷങ്ങളുടെ നാശനഷ്ടം

കോഴിക്കോട്: കീഴരിയൂര്‍ പാലായിയില്‍ വെളിച്ചെണ്ണ മില്ലിന് തീപിടിച്ചു. ഞായറാഴ്ച്ച പുലര്‍ച്ചെ 5 മണിയോടെയാണ് തീപിടിത്തമുണ്ടായത്. പേരാമ്പ്ര, കൊയിലാണ്ടി എന്നിവിടങ്ങളില്‍ നിന്നുള്ള ഫയര്‍ഫോഴ്‌സ് യൂണിറ്റുകള്‍ തീയണക്കാന്‍ എത്തുകയും, ആറരയോടെ തീ നിയന്ത്രണവിധേയമാക്കുകയും ചെയ്തു.

പാലായി സ്വദേശി സലാമിന്റെ ഉടമസ്ഥതയിലുള്ള മില്ലിലാണ് തീപിടിത്തം. ലക്ഷങ്ങളുടെ നാശനഷ്ടമുണ്ടായതായാണ് വിവരം. മില്ലിന് ഇന്‍ഷുറന്‍സ് ഉണ്ടോ എന്ന കാര്യത്തില്‍ വ്യക്തതയില്ല. തൊട്ടടുത്തുള്ള കീഴരിയൂര്‍ പഞ്ചായത്ത് ഓഫീസിലേക്ക് തീ പടരാതിരുന്നത് നാശനഷ്ടങ്ങളുട വ്യാപ്തി കുറച്ചു.