ഇന്‍സ്റ്റഗ്രാം വഴി സൗഹൃദം, പ്ലസ് വണ്‍ വിദ്യാര്‍ത്ഥിനിയെ ലൈംഗികമായി പീഡിപ്പിച്ചെന്ന് പരാതി

പത്തനംതിട്ട: പത്തനംതിട്ടയില്‍ പ്ലസ് വണ്‍ വിദ്യാര്‍ത്ഥിനിയെ ലൈംഗികമായി പീഡിപ്പിച്ചതായി പരാതി. ചൈല്‍ഡ് വെല്‍ഫയര്‍ കമ്മിറ്റിയില്‍ നിന്നുള്ള വിവരത്തിന്റെ അടിസ്ഥാനത്തില്‍ പൊലീസ് കേസ് രജിസ്റ്റര്‍ ചെയ്തു. കേസില്‍ 18 പ്രതികള്‍ ഉണ്ടെന്നാണ് സൂചന.

ഇന്‍സ്റ്റഗ്രാം വഴിയാണ് കൂടുതല്‍ പ്രതികളും പെണ്‍കുട്ടിയുമായി സൗഹൃദത്തിലായത്. സ്‌കൂളില്‍ പോകാന്‍ മടി കാണിച്ച പെണ്‍കുട്ടി കൗണ്‍സിലിങ്ങിനിടെയാണ് പീഡനവിവരം വെളിപ്പെടുത്തിയത്.

ഇന്നലെയാണ് ചൈല്‍ഡ് വെല്‍ഫയര്‍ കമ്മിറ്റി മുഖേന കൊല്ലം ജില്ലയിലെ പൊലീസ് സ്റ്റേഷനില്‍ ലഭിക്കുന്നത്. കേസിന്റെ ഗൗരവം മനസ്സിലാക്കിയ ജില്ലാ പൊലീസ് മേധാവി കേസില്‍ നേരിട്ട് ഇടപെട്ടു. പെണ്‍കുട്ടിയുടെ നഗ്‌ന ദൃശ്യങ്ങള്‍ പ്രചരിപ്പിച്ചതായും പരാതിയുണ്ട്.

സംശയിക്കപ്പെടുന്ന ഏതാനും ചെറുപ്പക്കാരെ ചോദ്യം ചെയ്യലിനായി പൊലീസ് കസ്റ്റഡിയിലെടുത്തതായാണ് വിവരം. പ്രായപൂര്‍ത്തിയാകാത്ത ആളുകളും പ്രതികളുടെ കൂട്ടത്തിലുണ്ടെന്നാണ് സൂചന.