പമ്പ നദിയില്‍ ഒഴുക്കില്‍പെട്ട് മൂന്ന്‌പേര്‍ മുങ്ങി മരിച്ചു

പത്തനംതിട്ട: പമ്പാ നദിയില്‍ ഒഴുക്കില്‍പെട്ടു മൂന്ന്‌പേര്‍ മരിച്ചു. ഉദിമൂട് സ്വദേശി അനില്‍കുമാര്‍, സഹോദര പുത്രന്‍ ഗൗതം അനില്‍കുമാറിന്റെ മകള്‍ നിരഞ്ജന എന്നിവരാണ് മരിച്ചത്.

പത്തനംതിട്ട റാന്നി ചന്തക്കടവിലാണ് അപകടം. വൈകീട്ട് 4.15ഓടെയാണ് അപകടമുണ്ടായത്. പുഴയില്‍ കുളിക്കാനെത്തിയതായിരുന്നു ഇവര്‍. ആദ്യം ഗൗതമാണ് അപകടത്തില്‍പെട്ടത്. രക്ഷിക്കാനായി ശ്രമിക്കുന്നതിനിടെ അനില്‍കുമാറും ഒഴുക്കില്‍പെടുകയായിരുന്നു. ഇതോടെ രക്ഷിക്കാനായി ചാടിയ മകളും ചുഴിയില്‍ അകപ്പെട്ടതായാണു ദൃക്‌സാക്ഷികള്‍ പറയുന്നത്.

ഒഴുക്ക് കുറവാണെങ്കിലും ചുഴിയും പാറക്കെട്ടും നിറഞ്ഞ പ്രദേശമാണിത്.

പമ്പ നദിയില്‍ ഒഴുക്കില്‍പെട്ട് മൂന്ന്‌പേര്‍ മുങ്ങി മരിച്ചു