തിരുവനന്തപുരം: കൊച്ചുവേളി, നിസാമുദ്ദീന്‍ സ്റ്റേഷനുകള്‍ക്കിടയില്‍ അടുത്ത രണ്ടാഴ്ച പൂര്‍ണമായി എയര്‍ കണ്ടീഷന്‍ ചെയ്ത പ്രതിവാര എക്‌സ്പ്രസ് സര്‍വിസ് (04426, 04425) നടത്തുമെന്ന് ദക്ഷിണ റെയില്‍വേ അറിയിച്ചു. കേരള എക്‌സ്പ്രസിന്റെ റൂട്ടിലായിരിക്കും സര്‍വിസ്. നിസാമുദ്ദീനില്‍ നിന്ന് ശനിയാഴ്ചകളായ  20നും 27നും രാവിലെ 5.55ന് പുറപ്പെടുന്ന വണ്ടി അടുത്ത തിങ്കളാഴ്ചകളില്‍ പകല്‍ 11ന് കൊച്ചുവേളിയിലെത്തും. തിരിച്ച് തിങ്കളാഴ്ചകളായ 22നും 29നും രാത്രി 11 മണിക്ക് കൊച്ചുവേളിയില്‍ നിന്ന് പുറപ്പെടുന്ന വണ്ടി അടുത്ത വ്യാഴാഴ്ചകളില്‍ പുലര്‍ച്ചെ മൂന്നു മണിക്ക് നിസാമുദ്ദീനിലെത്തും.