ഗൂഗിള്‍ ബാര്‍ഡ് ജെമിനി എന്ന പേരില്‍ റീബ്രാന്‍ഡ് ചെയ്യുന്നു

ഡിസംബറിലാണ് ഗൂഗിള്‍ ജെമിനി എന്ന പേരില്‍ പുതിയൊരു എഐ ലാര്‍ജ് ലാംഗ്വേജ് മോഡല്‍ വന്നത്. കഴിഞ്ഞ കുറേ നാളുകളായി ജെമിനി എഐ ഫീച്ചറുകള്‍ ഉപയോഗിച്ച് ബാര്‍ഡ് ചാറ്റ്‌ബോട്ട് അപ്‌ഗ്രേഡ് ചെയ്തുവരികയാണ്.

ഇപ്പോഴിതാ ഗൂഗിള്‍ ബാര്‍ഡ് ജെമിനി എന്ന പേരിലേക്ക് മാറുമെന്ന റിപ്പോര്‍ട്ടുകളാണ് പുറത്തു വരുന്നത്. ഫെബ്രുവരി ഏഴ് മുതല്‍ ബാര്‍ഡ് ജെമിനി എന്ന പേരിലേക്ക് മാറും.

ഓപ്പണ്‍ എഐയുടെ ജിപിടി 4 ന്റെ പിന്‍ബലത്തില്‍ പ്രവര്‍ത്തിക്കുന്ന ചാറ്റ് ജിപിടി പ്ലസിനേയും, മൈക്രോസോഫ്റ്റ് കോ പൈലറ്റിനെയും വെല്ലുവിളിക്കുന്ന ജെമിനി അള്‍ട്ര എന്ന ശക്തിയേറിയ എഐ വേര്‍ഷനും ഇതോടൊപ്പം അവതരിപ്പിക്കപ്പെട്ടേക്കും.
അതേസമയം ജെമിനി അള്‍ട്രായുടെ പിന്‍ബലത്തിലുള്ള അത്യാധുനിക സൗകര്യങ്ങള്‍ ഉപയോഗിക്കണമെങ്കില്‍ പണം നല്‍കേണ്ടതായിവരും.