സാധാരണക്കാര്‍ക്ക് ആശ്വാസം; റിപ്പോ നിരക്കില്‍ മാറ്റമില്ല, 6.5 ശതമാനമായി തുടരും

മുംബൈ: കുറയുന്ന പണപ്പെരുപ്പവും പ്രതീക്ഷിച്ചതിലും മികച്ച സാമ്പത്തിക വളര്‍ച്ചയും പരിഗണിച്ച് ഇത്തവണയും റിസര്‍വ് ബാങ്ക് നിരക്ക് മാറ്റമില്ലാതെ നിലനിര്‍ത്തി. ഇതോടെ റിപ്പോ 6.5 ശതമാനത്തില്‍ തുടരും. തുടര്‍ച്ചയായ ആറാം തവണയാണ് ഇതേ നിരക്ക് നിലനിര്‍ത്തുന്നത്.

വായ്പാ, ഇ.എം.ഐ നിരക്കുകളില്‍ മാറ്റം വരാത്തത് സാധാരണക്കാര്‍ക്ക് ആശ്വാസമാകും. പണപ്പെരുപ്പം കുറഞ്ഞുവരികയാണെന്ന് പണനയ അവലോകനത്തിന് ശേഷം ആര്‍ബിഐ ഗവര്‍ണര്‍ ശക്തികാന്ത ദാസ് പറഞ്ഞു. അടുത്ത സാമ്പത്തിക വര്‍ഷത്തെ ജിഡിപി വളര്‍ച്ചാ നിരക്ക് ഏഴ് ശതമാനമായും പണപ്പെരുപ്പ അനുമാനം 4.5 ശതമാനമായും നിശ്ചയിച്ചു.