എയര്‍ഇന്ത്യ എന്‍ജിനിയറിങ് സര്‍വിസില്‍ എയര്‍ക്രാഫ്റ്റ് ടെക്‌നീഷ്യന്‍ തസ്തികയില്‍ 961 ഒഴിവുകളിലേക്ക് അപേക്ഷ ക്ഷണിച്ചു. എസ്.സി (31), എസ്.ടി (71), ഒ.ബി.സി (258), ജനറല്‍ (489) എന്നിങ്ങനെയാണ് ഒഴിവുകള്‍. അഞ്ച് വര്‍ഷത്തേക്ക് കരാര്‍ നിയമനമാണ്. പ്രകടനമനുസരിച്ചു കരാര്‍ കാലാവധി നീട്ടും.

യോഗ്യത:
ഡയറക്ടറേറ്റ് ഓഫ് സിവില്‍ ഏവിയേഷന്‍ അംഗീകരിച്ച സ്ഥാപനത്തില്‍നിന്ന് എയര്‍ക്രാഫ്റ്റ് മെയിന്റനന്‍സ് എന്‍ജിനിയറിങ്ങില്‍ 60 ശതമാനം മാര്‍ക്കോടെ ഡിപ്ലോമ.
തെരഞ്ഞെടുപ്പ് രീതി:
എഴുത്തുപരീക്ഷയുടെ അടിസ്ഥാനത്തിലാണ് തെരഞ്ഞെടുപ്പ്. ന്യൂഡല്‍ഹി, കൊല്‍ക്കത്ത, മുംബൈ, ചെന്നൈ, ഹൈദരാബാദ് എന്നിവിടങ്ങളിലാണ് പരീക്ഷ നടക്കുക.

അപേക്ഷകരുടെ എണ്ണത്തിന് അനുസരിച്ച് പരീക്ഷാകേന്ദ്രങ്ങളില്‍ മാറ്റംവരുത്താനും സാധ്യതയുണ്ട്.
അപേക്ഷാഫീസ്:
1,000 രൂപ. എസ്.ബി.ഐ ചലാന്‍ വഴി ഫീസടയ്ക്കാം.
പ്രായപരിധി:
ജനറല്‍ വിഭാഗത്തിലുള്ളവര്‍ക്ക് 28 വയസ്, ഒ.ബി.സി 31 വയസ്, എസ്.സി, എസ്.ടി 33 വയസ് (2016 ജൂലൈ ഒന്ന് അടിസ്ഥാനത്തില്‍)
ശമ്പളം:
പരിശീലന കാലയളവില്‍ ഒരു വര്‍ഷം 15,000 രൂപ.

പരിശീലനം വിജയകരമായി പൂര്‍ത്തിയാക്കിയാല്‍ എയര്‍ക്രാഫ്റ്റ് ടെക്‌നീഷ്യനായി നിയമിക്കും. മാസം 17,680 രൂപ ശമ്പളം ലഭിക്കും.
അപേക്ഷിക്കേണ്ട വിധം: www.airin-dia.in എന്ന വെബ്‌സൈറ്റ് വഴി ഓഗസ്റ്റ് 20 മുതല്‍ സെപ്റ്റംബര്‍ 30വരെ അപേക്ഷിക്കാം.

അപേക്ഷയുടെ പകര്‍പ്പ്, ഫീസ് അടച്ചതിന്റെ ബാങ്ക് ചലാന്‍, പ്രായം, യോഗ്യത എന്നിവ തെളിയിക്കുന്ന സര്‍ട്ടിഫിക്കറ്റ് സഹിതം Post box no.12006, Cossipore Post Office, Kolkata 700002 എന്ന വിലാസത്തില്‍ അയക്കണം. വിശദവിവരം വെബ്‌സൈറ്റില്‍ ലഭിക്കും.
ഓണ്‍ലൈനില്‍ അപേക്ഷിക്കാവുന്ന അവസാന തിയതി: സെപ്റ്റംബര്‍ 30
അപേക്ഷ ലഭിക്കേണ്ട അവസാന തിയതി: ഒക്ടോബര്‍ 31.