റിയോ ഡി ജനീറോ: ഒളിംപിക് ടിക്കറ്റുകളുടെ അനധികൃത വില്‍പ്പനയെ തുടര്‍ന്ന് അന്താരാഷ്ട്ര ഒളിംപിക് കമ്മിറ്റി അംഗത്തെ അറസ്റ്റ് ചെയ്തു. അയര്‍ലന്‍ഡില്‍ നിന്നുള്ള ഐ.ഒ.സി അംഗം പാട്രിക്ക് ഹൈക്കിയാണ് അറസ്റ്റിലായത്. ടിക്കറ്റുകള്‍ ഉയര്‍ന്ന നിരക്കില്‍ വിറ്റഴിച്ചു എന്നാണ് ഹൈക്കിക്കെതിരേയുള്ള കേസ്.

ഹൈക്കിയെ ചോദ്യം ചെയ്യാനെത്തിയ പൊലിസിന് ഹോട്ടല്‍ മുറിയില്‍ ഇയാളെ കണ്ടെത്താന്‍ സാധിച്ചില്ല. തുടര്‍ന്ന് ഹോട്ടല്‍ ജീവനക്കാരുടെ സഹായത്തോടെ റൂം പരിശോധിച്ച പൊലിസ് ഹൈക്കി അടുത്ത മുറിയില്‍ ഒളിച്ചിരിക്കുന്നതായി കണ്ടെത്തി. തുടര്‍ന്ന് മുന്‍കരുതലെന്നോണം ഇയാളെ അറസ്റ്റ് ചെയ്യുകയായിരുന്നു.