വീണ്ടും ജയ്‌സ്വാള്‍; തുടര്‍ച്ചയായ രണ്ടാം ടെസ്റ്റിലും ഇരട്ട സെഞ്ച്വറിയുമായി

രാജ്‌കോട്ട്: തുടര്‍ച്ചയായ രണ്ടാം ടെസ്റ്റിലും ഇരട്ട സെഞ്ച്വറി നേടി ഓപ്പണര്‍ യശസ്വി ജയ്‌സ്വാള്‍. വിശാഖ പട്ടണത്ത് നടന്ന രണ്ടാം ടെസ്റ്റിലും ജെയ്‌സ്വാള്‍ ഇരട്ട സെഞ്ച്വറി നേടിയിരുന്നു. 236 പന്തുകളില്‍ നിന്ന് 14 ഫോറും 12 സിക്‌സറും അടങ്ങുന്നതായിരുന്നു ജയ്‌സ്വാളിന്റെ തട്ടുതകര്‍പ്പന്‍ ഇന്നിങ്‌സ്.

സര്‍ഫറാസ് ഖാന്റെ അര്‍ധ സെഞ്ച്വറി കൂടിയായതോടെ ഇന്ത്യയ്ക്ക് കൂറ്റന്‍ ലീഡായി. ഇന്ത്യ നാല് വിക്കറ്റ് നഷ്ടത്തില്‍ 430 റണ്‍സെന്ന നിലയില്‍ രണ്ടാം ഇന്നിങ്‌സ് ഡിക്ലയര്‍ ചെയ്തു. ഇതോടെ ഇന്ത്യയുടെ ലീഡ് 556ആയി.