ദുബൈ: എസ്‌കെഎസ്എസ്എഫ് സ്ഥാപക ദിനാചരണം യുഎഇ കമ്മിറ്റി ആഭിമുഖ്യത്തില്‍ ദുബൈയില്‍ പ്രൗഢ ചടങ്ങില്‍ സംഘടിപ്പിച്ചു. കേരളീയ യുവജന-വിദ്യാര്‍ത്ഥികള്‍ക്കിടയില്‍ മൂന്നര പതിറ്റാണ്ടായി പ്രവര്‍ത്തിക്കുന്ന മൂല്യാധിഷ്ഠിത പ്രസ്ഥാനമായ എസ്‌കെഎസ്എഫ് സമസ്തയുടെ ആശയങ്ങളിലൂന്നി പൊതുബോധത്തെ ക്രിയാത്മകമായി സ്വാധീനിക്കാവുന്ന മാതൃകാ വ്യക്തിത്വങ്ങളെ സമൂഹത്തില്‍ വളര്‍ത്തിയെടുത്തുവെന്ന് സംസ്ഥാന വൈസ് പ്രസിഡന്റ് സത്താര്‍ പന്തലൂര്‍ ഉദ്ഘാടന പ്രഭാഷണത്തില്‍ പറഞ്ഞു. എസ്‌കെഎസ്എസ്എഫ് യുഎഇ നാഷണല്‍ കമ്മിറ്റി പ്രസിഡന്റ് സയ്യിദ് ശുഐബ് തങ്ങള്‍ അധ്യക്ഷത വഹിച്ചു. മന്‍സൂര്‍ മൂപ്പന്‍, താഹിര്‍ ശിഹാബ് തങ്ങള്‍, അബ്ദുറസാഖ് വളാഞ്ചേരി, ഇബ്രാഹിം ഫൈസി, ജലീല്‍ ഹാജി ഒറ്റപ്പാലം, ഹൈദര്‍ ഹുദവി, നുഅ്മാന്‍ തിരൂര്‍, ഹസന്‍ രാമന്തളി, സഈദ് തളിപ്പറമ്പ, ടി.എം.എ സിദ്ദീഖ്, ഷാനിഫ് ബാഖവി, ഹംസ ഹാജി മാട്ടുമ്മല്‍ സംബന്ധിച്ചു. ശറഫുദ്ദീന്‍ ഹുദവി സ്വാഗതവും ഷാഫി ഇരിങ്ങാവൂര്‍ നന്ദിയും പറഞ്ഞു.