ദുബൈ: എസ്‌കെഎസ്എസ്എഫ് സ്ഥാപക ദിനാചരണ ഭാഗമായി ദുബൈ സുന്നി സെന്റര്‍, ദുബൈ എസ്‌കെഎസ്എസ്എഫ്, ദുബൈ വിഖായ എന്നിവയുടെ സംയുക്താഭിമുഖ്യത്തില്‍ ലത്തീഫ ഹോസ്പിറ്റലില്‍ രക്തദാനം നടത്തി. എസ്‌കെഎസ്എസ്എഫ് സംസ്ഥാന ഉപാധ്യക്ഷന്‍ സത്താര്‍ പന്തലൂര്‍ രക്തദാന യജ്ഞം ഉദ്ഘാടനം ചെയ്തു. യുഎഇ കമ്മിറ്റി പ്രസിഡന്റ് സയ്യിദ് ശുഐബ് തങ്ങള്‍ മുഖ്യാതിഥിയായിരുന്നു. ദുബൈ സുന്നി സെന്റര്‍ വര്‍ക്കിംഗ് സെക്രട്ടറി സക്കീര്‍ ഹുസൈന്‍ തങ്ങള്‍, എസ്‌കെഎസ്എസ്എഫ് നാഷണല്‍ കമ്മിറ്റി ജന.സെക്രട്ടറി ശറഫുദ്ദീന്‍ ഹുദവി, ദേശീയ നേതാക്കളായ ഖാദര്‍ ഫൈസി, ഫാസില്‍ മെട്ടമ്മല്‍, ജോ.സെക്രട്ടറി നുഅ്മാന്‍ തിരൂര്‍, വിഖായ ചെയര്‍മാന്‍ ഹസന്‍ രാമന്തളി, ദുബൈ എസ്‌കെഎസ്എസ്എഫ് ആക്ടിംഗ് പ്രസിഡന്റ് ഷാനിഫ് ബാഖവി, ജന.സെക്രട്ടറി സഈദ് തളിപ്പറമ്പ്, ദുബൈ വിഖായ കോഓര്‍ഡിനേറ്റര്‍ ഷംസുദ്ദീന്‍ എടവച്ചാല്‍, കണ്‍വീനര്‍ റഫീഖ് എതിര്‍ത്തോട്, ലത്തീഫ ഹോസ്പിറ്റലിലെ ബ്‌ളഡ് ഡൊണേഷന്‍ വിഭാഗം ഇന്‍-ചാര്‍ജ് അന്‍വര്‍ വയനാട്, ഓഫീസര്‍ ശിഹാബ് തളങ്കര തുടങ്ങിയവര്‍ സംബന്ധിച്ചു.
രക്തദാന ക്യാമ്പില്‍ 250 പേര്‍ പങ്കെടുത്തു. 200 യൂണിറ്റ് രക്തമാണ് ക്യാമ്പിലൂടെ ദാനം ചെയ്തത്.