വടക്കാഞ്ചേരി: ഉപജില്ലാ സ്‌കൂള്‍ ഗെയിംസ് ഫെസ്റ്റിവെല്ലിന് തുടക്കം. വടക്കാഞ്ചേരി ബോയ്‌സ് ഹൈസ്‌ക്കൂള്‍ ഗ്രൗണ്ടില്‍ നഗരസഭ ചെയര്‍പേഴ്‌സണ്‍ ശിവപ്രിയ സന്തോഷ് ഉദ്ഘാടനം ചെയ്തു. എ.ഇ.ഒ പി.വി സിദ്ധിഖ് അധ്യക്ഷനായി. നഗരസഭ സ്ഥിരം സമിതി അധ്യക്ഷന്‍ എന്‍.കെ പ്രമോദ് കുമാര്‍, കൗണ്‍സിലര്‍ ടി.വി സണ്ണി, പ്രധാന അധ്യാപിക സി.കമലാദേവി, കൊടുമ്പ് ശശിധരന്‍ നായര്‍ എന്നിവര്‍ പ്രസംഗിച്ചു. വി.ചന്ദ്രശേഖരന്‍ സ്വാഗതവും, എം.പി ഫ്രാന്‍സീസ് നന്ദിയും പറഞ്ഞു. ഫെസ്റ്റിവെല്‍ 27 ന് സമാപിക്കും.