പരമ്പര നേടാൻ ഇന്ത്യ, ഒപ്പമെത്താൻ ഇംഗ്ലണ്ട്; നാലാം ടെസ്റ്റ് ഇന്ന് മുതൽ

റാ​ഞ്ചി: ഇ​ന്ത്യ -​ ഇം​ഗ്ല​ണ്ട് പ​ര​മ്പ​ര​യി​ലെ നാ​ലാം ടെ​സ്റ്റ് ഇ​ന്നു മു​ത​ൽ ജാർഖണ്ഡിലെ റാ​ഞ്ചി​യി​ൽ ന​ട​ക്കും. അഞ്ച് മത്സരങ്ങളുള്ള പരമ്പരയിൽ ഇന്ത്യ 2-1ന് ​മു​ന്നി​ലാ​ണ്. ഈ മത്സരം കൂടി ജയിച്ചാൽ പരമ്പര നേടാമെന്ന സ്വപനവുമായാണ് ഇന്ത്യ മത്സരത്തിനിറങ്ങുന്നത്. എന്നാൽ ഒപ്പമെത്താൻ ഇംഗ്ലണ്ടിന് ഈ ടെസ്റ്റ് വിജയിക്കേണ്ടത് അത്യാവശ്യമാണ്. ആദ്യ മത്സരത്തിൽ വിജയിച്ചതിന് പിന്നാലെ തുടർച്ചയായി രണ്ട് മത്സരങ്ങൾ തോറ്റതിന്റെ ആശങ്ക ഇംഗ്ലണ്ടിന് ഉണ്ട്. എന്നാൽ മറുവശത്ത് അത് തന്നെയാണ് ഇന്ത്യൻ ടീമിന്റെ കരുത്തും.

മൂന്നാം ടെസ്റ്റിലേറ്റ വമ്പന്‍ തോല്‍വിയാണ് ഇംഗ്ലണ്ടിനെ ഞെട്ടിച്ചത്. ബാസ്‌ബോള്‍ യുഗത്തിലെ ഏറ്റവും വലിയ തോല്‍വിയാണ് അവര്‍ക്ക് നേരിടേണ്ടി വന്നത്. അതേസമയം റാഞ്ചിയിലെ പി​ച്ചി​ൽ ആ​ശ​ങ്ക പ്ര​ക​ടി​പ്പി​ച്ച് ഇം​ഗ്ല​ണ്ട് ക്യാ​പ്റ്റ​ൻ ബെ​ൻ സ്റ്റോ​ക്സ് രംഗത്ത് വന്നിരുന്നു. റാ​ഞ്ചി​യി​ലെ പോ​ലെ ഒ​രു പി​ച്ച് ഇ​തു​വ​രെ ക​ണ്ടി​ട്ടി​ല്ലെ​ന്നും എ​ന്തു സം​ഭ​വി​ക്കു​മെ​ന്ന് തനിക്ക് അറിയില്ലെന്നും അ​ദ്ദേ​ഹം പ​റ​ഞ്ഞു. ഡ്ര​സി​ങ് റൂ​മി​ൽ​നി​ന്ന് നോ​ക്കി​യാ​ൽ പി​ച്ച് പ​ച്ച​യും പു​ല്ലും നി​റ​ഞ്ഞ​താ​യി തോ​ന്നും. എ​ന്നാ​ൽ, അ​ടു​ത്തേ​ക്ക് പോ​യി നോ​ക്കി​യാ​ൽ ഇ​രു​ണ്ട​തും ത​ക​ർ​ന്ന​തു​മാ​യ പി​ച്ചാ​ണ്. കു​റ​ച്ച് വി​ള്ള​ലു​ക​ളും കാ​ണു​ന്നുണ്ടെന്നും സ്റ്റോക്സ് പറഞ്ഞു.

സ്വ​ന്തം മ​ണ്ണി​ൽ തു​ട​ർ​ച്ച​യാ​യ 17ാം പ​ര​മ്പ​ര ജ​യ​ത്തി​നാ​ണ് ഇ​ന്ത്യ ഇ​റ​ങ്ങു​ന്ന​ത്. ഇന്ത്യൻ മണ്ണിൽ വന്ന് കപ്പ് നേടുക എന്നത് വിദേശ ടീമുകൾക്ക് തലവേദനയാവുകയാണ്. ഇന്ത്യൻ മണ്ണിൽ ഇന്ത്യൻ ടീം പുലികൾ ആണെന്ന വാക്യം ഉറപ്പിച്ച് കഴിഞ്ഞിട്ടുണ്ട് ഇന്ത്യൻ ടീം. ഇന്ത്യയിലേക്ക് വിരുന്നെത്തുന്നവർക്ക് ഒരു കപ്പ് പോലും നേടാനാകുന്നില്ല എന്നത് ഇന്ത്യൻ ടീമിന്റെ കരുത്ത് കൂടിയാണ് തെളിയിക്കുന്നത്.

ഇ​ന്ത്യ​ൻ ടീം: (പ്ലെയിങ് ഇലവനെ പ്രഖ്യാപിച്ചിട്ടില്ല) രോ​ഹി​ത് ശ​ർ​മ (ക്യാ​പ്റ്റ​ൻ), യ​ശ​സ്വി ജ​യ്സ്വാ​ൾ, ശു​ഭ്മ​ൻ ഗി​ൽ, ദേ​വ്ദ​ത്ത് പ​ടി​ക്ക​ൽ, ര​ജ​ത് പാ​ട്ടി​ദാ​ർ, സ​ർ​ഫ​റാ​സ് ഖാ​ൻ, ധ്രു​വ് ജു​റ​ൽ, ര​വീ​ന്ദ്ര ജ​ദേ​ജ, ആ​ർ. അ​ശ്വി​ൻ, കു​ൽ​ദീ​പ് യാ​ദ​വ്, മു​ഹ​മ്മ​ദ് സി​റാ​ജ്, മു​കേ​ഷ് കു​മാ​ർ, ആ​കാ​ശ് ദീ​പ്, അ​ക്സ​ർ പ​ട്ടേ​ൽ, വാ​ഷി​ങ്ട​ൺ സു​ന്ദ​ർ, കെ.​എ​സ്. ഭ​ര​ത്.'

ഇംഗ്ലണ്ട് പ്ലെയിങ് ഇലവന്‍: ബെന്‍ സ്‌റ്റോക്‌സ് (ക്യാപ്റ്റന്‍), സാക് ക്രൗളി, ബെന്‍ ഡുക്കറ്റ്, ഒലി പോപ്പ്, ജോ റൂട്ട്, ജോണി ബെയര്‍സ്‌റ്റോ, ബെന്‍ ഫോക്‌സ്, ടോം ഹാര്‍ട്‌ലി, ഒലി റോബിന്‍സന്‍, ജെംയിസ് ആന്‍ഡേഴ്‌സന്‍, ഷൊയ്ബ് ബഷീര്‍.