നാവിക സേനയില്‍ ഐ.ടി ഓഫീസറാവാം; മാര്‍ച്ച് മൂന്നിനുള്ളില്‍ അപേക്ഷിക്കണം

ഇന്ത്യന്‍ നാവിക സേനയുടെ എക്‌സിക്യൂട്ടീവ് ബ്രാഞ്ചില്‍ ഷോര്‍ട്ട് സര്‍വീസ് കമ്മീഷന്‍ വഴി ഐടി ഓഫീസറാവാന്‍ അവസരം. അവിവാഹിതരായ പുരുഷന്‍മാര്‍ക്കും, വനിതകള്‍ക്കുമാണ് അവസരം. തെരഞ്ഞെടുക്കപ്പെടുന്നവര്‍ക്കുള്ള നേവല്‍ ഓറിയന്റേഷന്‍ കോഴ്‌സ് പരിശീലനം ജൂലൈയില്‍ ഏഴിമല നാവിക അക്കാദമിയില്‍ ആരംഭിക്കും.

തുടര്‍ന്നുള്ള പ്രൊഫഷനല്‍ ട്രെയിനിങ് നാവിക സേന കപ്പലുകളിലും പരിശീലന കേന്ദ്രങ്ങളിലുമാകും. 15 ഒഴിവുകളാണുള്ളത്. വിജ്ഞാപനം www.joinindiannavy.gov.in ല്‍ ലഭിക്കും.

യോഗ്യത
എം.എസ്.സി/ ബിഇ/ ബി.ടെക്/ എം.ടെക് (കമ്പ്യൂട്ടര്‍ സയന്‍സ്/ കമ്പ്യൂട്ടര്‍ സയന്‍സ് ആന്‍ഡ് എഞ്ചിനീയറിങ്/ കമ്പ്യൂട്ടര്‍ എഞ്ചിനീയറിങ്/ ഐ.ടി/ സോഫ്റ്റ് വെയര്‍ സിസ്റ്റംസ്/ സിസ്റ്റം അഡ്മിനിസ്‌ട്രേഷന്‍ ആന്‍ഡ് നെറ്റ് വര്‍ക്കിങ്/ ഡാറ്റ അനലറ്റിക്‌സ്/ സൈബര്‍ സെക്യൂരിറ്റി/ കമ്പ്യൂട്ടര്‍ സിസ്റ്റംസ് ആന്‍ഡ് നെറ്റ് വര്‍ക്കിങ്/ ആര്‍ട്ടിഫിഷ്യല്‍ ഇന്റലിജന്‍സ്) അല്ലെങ്കില്‍

എം.സി.എ വിത്ത് ബി.സി.എ/ ബി.എസ് സി (കമ്പ്യൂട്ടര്‍ സയന്‍സ്/ ഐടി).

1999 ജൂലൈ രണ്ടിനു 2005 ജനുവരി ഒന്നിനും മധ്യേ ജനിച്ചവരായിരിക്കണം.

അപേക്ഷ
താല്‍പര്യമുള്ള ഉദ്യോഗാര്‍ഥികള്‍
www.joinindiannavy.gov.in എന്ന വെബ്‌സൈറ്റ് സന്ദര്‍ശിച്ച് അപേക്ഷ നല്‍കണം. അവസാന തീയതി മാര്‍ച്ച് മൂന്ന്.