ഉത്തര്‍പ്രദേശിലെ പടക്കനിര്‍മാണ ഫാക്ടറിയില്‍ സ്‌ഫോടനം; നാല് മരണം

ലഖ്‌നോ: ഉത്തര്‍പ്രദേശിലെ കൗശാംബിയില്‍ പടക്കിനിര്‍മാണശാലയിലുണ്ടായ സ്‌ഫോടനത്തില്‍ നാല് മരണം. അഞ്ചു പേര്‍ക്ക് പരുക്കേറ്റു. ഇവരെ ആശുപത്രിയില്‍ പ്രവേശിപ്പിച്ചിരിക്കുകയാണ്.

പടക്കനിര്‍മാണ ശാല ജനവാസമേഖലയില്‍ നിന്ന് അകലെയായതിനാല്‍ വന്‍ ദുരന്തം ഒഴിവായി. തീ നിയന്ത്രണവിധേയമാക്കിയതായി അധികൃതര്‍ അറിയിച്ചു.

'ഭാര്‍വാരിയിലെ ഒരു പടക്ക നിര്‍മ്മാണശാലയില്‍ തീപിടിത്തമുണ്ടായി. നാലുപേര്‍ മരണപ്പെടുകയും അഞ്ചിലധികം പേര്‍ക്ക് പരിക്കേല്‍ക്കുകയും ചെയ്തു. അവരെ ചികിത്സയ്ക്കായി ആശുപത്രിയില്‍ പ്രവേശിപ്പിച്ചിട്ടുണ്ട്. ഫാക്ടറി ജനവാസ മേഖലയില്‍ നിന്ന് വളരെ അകലെയാണ്. രക്ഷാപ്രവര്‍ത്തനം പുരോഗമിക്കുകയാണ്' എസ്പി ബ്രിജേഷ് ശ്രീവാസ്തവ മാധ്യമങ്ങളെ അറിയിച്ചു.