ദുബൈ: ദുബൈ പ്രിയദര്‍ശിനി വളണ്ടിയറിംഗ് ടീം ദുബൈ ഗവണ്‍മെന്റിന്റെ കമ്യൂണിറ്റി ഡവലപ്‌മെന്റ് അഥോറിറ്റി (സിഡിഎ) ഒരുക്കിയ വിന്റര്‍ ക്യാമ്പില്‍ കുടുംബാംഗങ്ങള്‍ക്കും അതിഥികള്‍ക്കുമൊപ്പം പങ്കെടുത്തു.
സിഡിഎ പ്രതിനിധി അഹമ്മദ് മുഹമ്മദ് അല്‍ റിമൈഥിയുടെ നേതൃത്വത്തില്‍ ഇമാറാത്തിന്റെ പൈതൃകവും പാരമ്പര്യവും സംസ്‌കാരവും കോര്‍ത്തിണക്കിയ വീഡിയോ പ്രദര്‍ശനവും പഠന ക്‌ളാസും സംഘടിപ്പിച്ചു. പ്രസിഡന്റ് ബാബു പീതാംബരന്‍, ജന.സെക്രട്ടറി മധു നായര്‍, ടീം ലീഡര്‍ പവിത്രന്‍ എന്നിവരുടെ മേല്‍നോട്ടത്തില്‍ പരിപാടികള്‍ക്ക് തുടക്കം കുറിച്ചു. ടൈറ്റസ് പുല്ലൂരാന്‍, ബി.എ നാസര്‍, സുനില്‍ നമ്പ്യാര്‍, ഷൈജു അമ്മാനപ്പാറ, ബഷീര്‍ നരണിപ്പുഴ, ഖാലിദ് തൊയക്കാവ് മുഖ്യാതിഥികളായിരുന്നു. അനീസ്, പ്രമോദ്, സി.മോഹന്‍ദാസ്, ശ്രീജിത്, ഹാരിസ്, ഷഫീഖ്, ഫഹദ്, ബിനീഷ്, താഹിര്‍, വനിതാ ഭാരവാഹികളായ ഫാത്തിമ അനീസ്, സിമിതാ ഫഹദ്, രമ്യ ബിനീഷ് തുടങ്ങിയവര്‍ നേതൃത്വം നല്‍കി.