ഷാര്‍ജ: എസ്‌കെഎസ്എസ്എഫ് യുഎഇ-കോഴിക്കോട് ജില്ലാ കോഓര്‍ഡിനേഷന്‍ കമ്മിറ്റി നേതൃത്വത്തില്‍ സൂഫി വര്യന്‍ ചെറുമോത്ത് ഉസ്താദ് യുഎഇയില്‍ പര്യടനം നടത്തുന്നു. മാര്‍ച്ച് 1ന് വെള്ളിയാഴ്ച രാത്രി 8.30ന് ഷാര്‍ജ റൂവി അപാര്‍ട്‌മെന്റിലും, 2ന് രാത്രി 9 മണിക്ക് അജ്മാന്‍ സത്യധാര സെന്ററിലും, 3ന് വൈകുന്നേരം 6.30ന് ദുബൈ സുന്നി സെന്ററിലും, മാര്‍ച്ച് 8, 9, 10 തീയതികളില്‍ റാസല്‍ഖൈമ, അബുദാബി ഇന്ത്യന്‍ ഇസ്‌ലാമിക് സെന്റര്‍, അല്‍ ഐന്‍ എന്നിവിടങ്ങളിലും ഉസ്താദിന്റെ നേതൃത്വത്തില്‍ ആത്മീയ മജ്‌ലിസ് നടക്കും.
ഷാര്‍ജ എയര്‍പോര്‍ട്ടില്‍ ചെറുമോത്ത് ഉസ്താദിന് ഹൃദ്യമായ സ്വീകരണമാണ് ഒരുക്കിയത്. സയ്യിദ് അഹമ്മദ് ജാസിം തങ്ങള്‍, അബ്ദുല്‍ ഖാദര്‍ ഫൈസി, മനാഫ് ഹാദി ഉസ്താദ്, ശമീം പന്നൂര്‍, സ്വാലിഹ് റഹ്മാനി, സുഹൈര്‍ അസ്ഹരി, അഫ്‌സല്‍ ഫൈസി, ശാക്കിര്‍ ഫറോക്ക്, മുഹമ്മദ് പാണത്തോടി, സഫീര്‍ ജാറംകണ്ടി, യു.കെ റഫീഖ്, ഇസ്ഹാഖ് താമരശ്ശേരി, ഷംലി കമാലി ഫൈസി, ഷൗക്കത്ത് കോഴിക്കോട്, ഷമീര്‍ ഒഞ്ചിയം, അബൂബക്കര്‍ കുറുവന്തേരി, ഫൈസല്‍ നരിക്കുനി, ഇസ്മാഈല്‍ കാട്ടില്‍, റസീഫ് പുറക്കാട്, ഇബ്രാഹിം നടമ്മല്‍പൊയില്‍, ബഷീര്‍ ചെറുമോത്ത്, റഈസ് കൊയിലാണ്ടി സ്വീകരണത്തിന് നേതൃത്വം നല്‍കി.