വീണ്ടും റെക്കോർഡിട്ട് സ്വർണവില; ചരിത്രത്തിലെ ഏറ്റവും ഉയർന്ന വില

കൊച്ചി: സംസ്ഥാനത്ത് സ്വര്‍ണവില വീണ്ടും റെക്കോർഡിൽ. പവന് ഒറ്റയടിക്ക് 560 രൂപയാണ് ഇന്ന് വര്‍ധിച്ചത്. ഇതോടെ സ്വർണവില പവന് 47,560 രൂപയായി ഉയർന്നു. ഗ്രാമിന് 70 രൂപയാണ് ഉയര്‍ന്നത്. 5945 രൂപയാണ് ഒരു ഗ്രാം സ്വര്‍ണത്തിന്റെ വില. കഴിഞ്ഞ വർഷം ഡിസംബർ 28 ലെ റെക്കോർഡ് നിരക്കായ പവന് 47,120 രൂപയെയാണ് ഇന്നത്തെ വില മറി കടന്നത്. പഴയ റെക്കോർഡിനേക്കാൾ 440 രൂപയുടെ വർധനയാണ് നിലവിൽ ഉള്ളത്.

ഗ്രാമിന് 5,875 രൂപയിലും പവന് 47,000 രൂപയിലുമാണ് മൂന്ന് ദിവസം വ്യാപാരം നടന്നത്. ഇതിനിടെയാണ് ഇന്ന് വിലക്കയറ്റം ഉണ്ടായത്. കഴിഞ്ഞ മാസം 15ന് 45,520 രൂപയായി താഴ്ന്ന് ആ മാസത്തെ ഏറ്റവും താഴ്ന്ന നിലവാരത്തിലേക്ക് ഇടിഞ്ഞ ശേഷം സ്വര്‍ണവില തിരിച്ചുകയറുന്നതാണ് കണ്ടത്. 19 ദിവസത്തിനിടെ 2000 രൂപയിലധികമാണ് ഉയര്‍ന്നത്.

രാജ്യാന്തര സ്വർണവില ഇന്നലെ വൈകുന്നേരം 2100 ഡോളർ കടന്നിരുന്നു. അപ്പോൾ തന്നെ കേരളത്തിലും റെക്കോർഡ് നിരക്ക് പ്രതീക്ഷിച്ചതായി വ്യാപാരികൾ അഭിപ്രായപ്പെട്ടു. 2012 ഡോളറിലാണ് നിലവിൽ ഇപ്പോൾ വ്യാപാരം നടക്കുന്നത്.