മാനന്തവാടി തിരുനെല്ലിയില്‍ സ്വകാര്യ കാപ്പിത്തോട്ടത്തില്‍ പുള്ളിപ്പുലി ചത്ത നിലയില്‍

മാനന്തവാടി: വയനാട്ടിലെ തിരുനെല്ലിയില്‍ പുള്ളിപ്പുലിയുടെ ജഢം കണ്ടെത്തി. തിരുനെല്ലി പഞ്ചായത്ത് പരിധിയിലെ ചേലൂര്‍ ഇരുമ്പ് പാലത്തിന് സമീപം സ്വകാര്യ കാപ്പിത്തോട്ടത്തിലാണ് പുള്ളിപ്പുലിയെ ചത്ത നിലയില്‍ കണ്ടെത്തിയത്. പുള്ളിപ്പുലി ചത്തിട്ട് അധികം ദിവസമായിട്ടില്ലെന്നാണ് നിഗമനം. ജഢം അഴുകിയ നിലയിലില്ല.

ഇന്ന് രാവിലെ തോട്ടത്തിലെ പണിക്കാരാണ് ജഡം കണ്ടത്. നോര്‍ത്ത് വയനാട് വനം വകുപ്പ് ഡിവിഷനിലെ ബേഗൂര്‍ റെയ്ഞ്ചിന് കീഴിലാണ് സംഭവം. നാട്ടുകാര്‍ അറിയിച്ചതിന് അനുസരിച്ച് വനംവകുപ്പ് അധികൃതര്‍ സ്ഥലത്തെത്തിയിട്ടുണ്ട്.