ദുബൈ: ദുബൈ എമിഗ്രേഷൻ (ജനറൽ ഡയറക്ടറേറ്റ് ഓഫ് റെസിഡൻസി ആൻഡ് ഫോറിനേഴ്സ് അഫയേഴ്സ് -ജിഡിആർഎഫ്എഡി) വിസാ സേവനങ്ങളുമായി ബന്ധപ്പെട്ട റമദാനിലെ പ്രവർത്തന സമയം പ്രഖ്യാപിച്ചു. അൽ ജാഫിലിയയിലെ പ്രധാന ഓഫീസ്, അൽ മനാറ സെന്റർ, ന്യൂ അൽ ത്വവാർ ഓഫീസ് തുടങ്ങിയ കസ്റ്റമർ ഹാപിനസ് കേന്ദ്രങ്ങളിൽ രാവിലെ 9 മുതൽ വൈകുന്നേരം  5 വരെ സേവനങ്ങൾ ലഭ്യമാകും. എന്നാൽ,  വെള്ളിയാഴ്കളിൽ രാവിലെ 9  മുതൽ ഉച്ച 12  വരെയും, തുടർന്ന് 2 മുതൽ 5 വരെയും സേവന ഓഫീസുകൾ പ്രവർത്തിക്കുമെന്ന് വകുപ്പ് അറിയിച്ചു.

ദുബൈ രാജ്യാന്തര വിമാനത്താവളം ടെർമിനൽ-3ലെ  അടിയന്തര ഓഫീസിൽ 24 മണിക്കൂറും സേവനം ലഭ്യമാകും. 

അതിനിടെ, അൽ അവീറിലെ കസ്റ്റമർ ഹാപിനസ് കേന്ദ്രം ആഴ്ചയിൽ എല്ലാ ദിവസവും രാവിലെ 6 മുതൽ രാത്രി 10 വരെ പ്രവർത്തിക്കുന്നതായിരിക്കും

.കൂടാതെ, ദുബൈ നൗ, 

ഈ അവസരത്തിൽ ഉപയോക്താക്കളുടെ ഇടപാടുകൾ സുഗമമാക്കുന്നതിനും ത്വരിതപ്പെടുത്തുന്നതിനും സേവന മികവിൻ്റെ ഉയർന്ന നിലവാരം ഉയർത്തിപ്പിടിക്കുന്നതിനും സുസ്ഥിര സേവനങ്ങൾ നൽകുന്നതിനും ഡയറക്ടറേറ്റിൻ്റെ പ്രതിബദ്ധത ജിഡിആർഎഫ്എ ഊന്നിപ്പറയുന്നു. ഉപയോക്താക്കളുടെ ആവശ്യങ്ങൾ നിറവേറ്റുന്നതിന് ആവശ്യമായ എല്ലാ സേവനങ്ങളുടെയും തുടർച്ചയായ ആശയ വിനിമയവും വ്യവസ്ഥകളും ഉറപ്പാക്കുമെന്ന് അധികൃതർ വ്യക്തമാക്കി. യുഎഇയിലെ എല്ലാ സ്വദേശികൾക്കും വിദേശികൾക്കും  ജിഡിആർഎഫ്എ ഹൃദ്യമായ റമദാൻ ആശംസകൾ നേർന്നു.