മാഡ്രിഡ്: ലാ ലിഗയില്‍ ഒന്നാം സ്ഥാനത്ത് മികച്ച ലീഡുമായി അത്‌ലറ്റികോ മാഡ്രിഡ്. ഇന്നലെ നടന്ന മത്സരത്തില്‍ അത്‌ലറ്റികോ മാഡ്രിഡ് ഗെറ്റാഫെയെ ഏകപക്ഷീയമായ ഒരു ഗോളിന് തോല്‍പ്പിച്ചിരുന്നു.
സുവാരസിന്റെ ഏക ഗോളിലാണ് അത്‌ലറ്റികോ മാഡ്രിഡ് മത്സരം ജയിച്ചത്. ജയത്തോടെ ഒന്നാം സ്ഥാനത്ത് രണ്ട് പോയിന്റിന്റെ ലീഡ് നേടാന്‍ അത്‌ലറ്റികോ മാഡ്രിഡിന് കഴിഞ്ഞു. മറ്റൊരു മത്സരത്തില്‍ എല്‍ച്ചെക്കെതിരായ മത്സരത്തില്‍ സമനില വഴങ്ങിയ റയല്‍ മാഡ്രിഡ് അത്‌ലറ്റികോ മാഡ്രിഡുമായുള്ള കിരീട പോരാട്ടത്തില്‍ പിറകിലായി. മത്സരത്തില്‍ ലൂക്ക മോഡ്രിച്ചിലൂടെ ആദ്യ പകുതിയില്‍ മുന്നിലെത്തിയ റയല്‍ മാഡ്രിഡ് രണ്ട@ാം പകുതിയില്‍ ഫിഡലിന്റെ പെനാല്‍റ്റി ഗോളില്‍ സമനില വഴങ്ങുകയായിരുന്നു.
ലാ ലിഗ പോയിന്റ് പട്ടികയില്‍ അത്‌ലറ്റികോ മാഡ്രിഡിനൊപ്പം എത്താനുള്ള മികച്ച അവസരമാണ് റയല്‍ മാഡ്രിഡ് നഷ്ടപ്പെടുത്തിയത്. നിലവില്‍ 16 മത്സരങ്ങളില്‍ നിന്ന് 33 പോയിന്റുമായി റയല്‍ മാഡ്രിഡ് രണ്ട@ാം സ്ഥാനത്താണ്. അതെ സമയം റയല്‍ മാഡ്രിഡിനെക്കാള്‍ ര@ണ്ട് മത്സരങ്ങള്‍ കുറച്ചു കളിച്ച അത്‌ലറ്റികോ മാഡ്രിഡ് 35 പോയിന്റുമായി ഒന്നാം സ്ഥാനത്താണ്.