ന്യൂഡല്‍ഹി: കാര്‍ഷികനിയമങ്ങള്‍ക്കെതിരേ പ്രക്ഷോഭം നയിക്കുന്ന കര്‍ഷകനേതാക്കളുമായുള്ള ചര്‍ച്ചയ്ക്കിടെ കര്‍ഷകരെ കേന്ദ്ര റയില്‍വേ മന്ത്രി പിയൂഷ് ഗോയല്‍ ഭീഷണിപ്പെടുത്തുന്ന ദൃശ്യങ്ങളടങ്ങിയ വിഡിയോ പങ്കുവച്ച് മുതിര്‍ന്ന അഭിഭാഷകന്‍ പ്രശാന്ത് ഭൂഷണ്‍. 

ട്വിറ്ററില്‍ ഭൂഷണ്‍ പങ്കുവച്ച വിഡിയോയില്‍ പിയൂഷ് ഗോയല്‍ കര്‍ഷകനേതാക്കളോട് കയര്‍ത്തു സംസാരിക്കുന്നതു കാണാം. കേന്ദ്ര കൃഷിമന്ത്രി നരേന്ദ്ര തോമര്‍ കര്‍ഷകരോട് സംസാരിക്കുന്നതിനിടെയാണ് ഗോയല്‍ ഇടയില്‍ കയറി ഭീഷണിസ്വരത്തില്‍ സംസാരിക്കുന്നത്. അമിതമായി സംസാരിക്കേണ്ടെന്നും അതിരു വിടേണ്ടെന്നും ഗോയല്‍ കര്‍ഷകരോടു പറയുന്നുണ്ട്.

ആദ്യം രാജ്‌നാഥ് സിങ്ങിനെക്കൊണ്ട് ക്ഷമ പറയിക്കുകയും പിന്നാലെ ഗോയല്‍ ഭീഷണിപ്പെടുത്തുകയും ചെയ്യുന്ന കാഴ്ചയാണ് കാണുന്നതെന്ന് വിഡിയോ പങ്കുവച്ച് പ്രശാന്ത് ഭൂഷണ്‍ പറഞ്ഞു.