തിരുവനന്തപുരം: തിരുവനന്തപുരം നാവായിക്കുളത്ത് പതിനൊന്നുകാരനെ വീടിനുള്ളില്‍ കഴുത്തറുത്ത് കൊല്ലപ്പെട്ട നിലയില്‍ കണ്ടെത്തി. അല്‍ത്താഫ് (11)നെയാണ്‌ കഴുത്തറുത്ത നിലയില്‍ കണ്ടെത്തിയത്. കുട്ടിയുടെ പിതാവ് സഫീറിന്റെ മൃതദേഹം കുളത്തില്‍ നിന്ന് കണ്ടെത്തി.

ഇളയ സഹോദരനും കുളത്തില്‍ ചാടിയതായാണ് സംശയം.പിതാവിന്റെ ഓട്ടോ റിക്ഷ ക്ഷേത്രക്കുളത്തിനു സമീപം കണ്ടെത്തിയതിനെത്തുടര്‍ന്നാണ് ഇവര്‍ കുളത്തില്‍ ചാടിയോ എന്ന സംശയമുയര്‍ന്നത്.

കുട്ടിയുടെ പിതാവായ സഫീര്‍ അല്‍ത്താഫിനെ കൊന്നതിന് ശേഷം ഇളയ മകനായ അന്‍ഷാദിനൊപ്പം ആത്മഹത്യക്ക് ശ്രമിച്ചെന്ന സംശയത്തിലാണ് പൊലീസ്. സംഭവസ്ഥലത്ത് ഫയര്‍ ഫോഴ്‌സും നാട്ടുകാരും തിരച്ചില്‍ തുടരുകയാണ്.