കിഴിശ്ശേരി: കിഴിശ്ശേരി യുവ കലാസാഹിതിയുടെ ആഭിമുഖ്യത്തില്‍ സമീപ പ്രദേശങ്ങളിലെ വിദ്യാലയങ്ങള്‍ക്കായി ലൈബ്രറി പുസ്തക വിതരണവും നാടിന്റെ പ്രതിഭകളായ എഴുത്തുകാരെ ആദരിക്കല്‍ ചടങ്ങും നടന്നു. വൈക്കം മുഹമ്മദ് ബഷീറിന്റെ പുത്രന്‍ അനീസ് ബഷീര്‍ ഉദ്ഘാടനം ചെയ്തു. ഇ.അരവിന്ദാക്ഷന്‍ അധ്യക്ഷനായി. ചടങ്ങില്‍ സി. രാധാകൃഷ്ണവന്റെ വിഖ്യാത നോവല്‍ തീക്കടല്‍ കടഞ്ഞു തിരുമധുരം എന്ന പുസ്തകത്തിന്റെ വിതരണം കുഴിമണ്ണ ഗ്രാമ പഞ്ചായത്ത് വിദ്യാഭ്യാസ സ്റ്റാന്റിങ് കമ്മിറ്റി ചെയര്‍മാന്‍ പുളിക്കല്‍ മുഹമ്മദ് നിര്‍വഹിച്ചു. പ്രാദേശിക എഴുത്തുകാരായ ഡോ.ഷെയ്ഖ് മുഹമ്മദ്, മൊയ്തു കിഴിശ്ശേരി, രാജേഷ് കിഴിശ്ശേരി, ഷിഹാബുദ്ദീന്‍ കിഴിശ്ശേരി എന്നിവരെ ആദരിച്ചു.
കുട്ടന്‍ കടുങ്ങല്ലൂര്‍, കലാസാഹിതി ജില്ലാ പ്രസിഡന്റ് എ പി മുഹമ്മദ്, സെക്രട്ടറി കെ.ബാബുരാജ്, ഡോ.രാമചന്ദന്‍, ഇ.പി പവിത്രന്‍, അമ്മിണിക്കുട്ടിയമ്മ, സുജാത ആച്ചിക്കുളത്ത്, പി ടി ബാലകൃഷ്ണന്‍, പി.ടി വേലുക്കുട്ടി മാസ്റ്റര്‍, സൈതലവി മേമാടന്‍, സൈതലവി പുളിക്കല്‍ശ്രീധരന്‍ വാളശ്ശേരി സംസാരിച്ചു.