തിരുവനന്തപുരം: പുതുവത്സരാഘോഷത്തിലും സംസ്ഥാനത്ത് റെക്കോഡ് മദ്യവില്‍പന. ഡിസംബര്‍ 31ന് ബെവ്‌കോ ഔട്ട്‌ലെറ്റുകള്‍ വഴി വിറ്റത് 82.26 കോടി രൂപയുടെ മദ്യം. മുന്‍വര്‍ഷത്തെക്കാള്‍ 12 കോടിയുടെ വര്‍ധനയാണ് ഉണ്ടായത്. കഴിഞ്ഞ വര്‍ഷം പുതുവത്സരാഘോഷങ്ങള്‍ക്ക് 70.55 കോടിയുടെ മദ്യമായിരുന്നു വിറ്റത്. ഏറ്റവും അധികം വില്‍പന തിരുവനന്തപുരം പവര്‍ ഹൗസ് റോഡ് ഔട്ട്‌ലെറ്റിലാണ്. 1.6 കോടി. ക്രിസ്മസിന് രണ്ടു ദിവസങ്ങളിലായി 150 കോടിയുടെ റെക്കോഡ് മദ്യവില്‍പന നടന്നു.