തൃശൂര്‍: കണ്ണാറയില്‍ മദ്യപിച്ച് എ.എസ്.ഐ ഓടിച്ച കാര്‍ ബൈക്ക് യാത്രക്കാരെ ഇടിച്ച ശേഷം നിര്‍ത്താതെപോയി. തിങ്കളാഴ്ച രാത്രിയാണ് സംഭവം. മലപ്പുറം പൊലിസ് ക്യാപിലെ എ.എസ്.ഐ പ്രശാന്തും സുഹൃത്തുക്കളുമാണ് പിടിയിലായത്.

കണ്ണാറയില്‍ വച്ച് ബൈക്കില്‍ ഇടിച്ചശേഷം കാര്‍ ഒരുകിലോമീറ്റര്‍ നിര്‍ത്താതെ പോയി. പിന്നാലെ പിന്തുടര്‍ന്ന നാട്ടുകാരാണ് ഇവരെ പിടികൂടി പൊലിസിലേല്‍പ്പിച്ചത്.

പിടികൂടുമ്പോള്‍ അമിതമായി മദ്യപിച്ച നിലയിലായിരുന്നു എ.എസ്.ഐയും സംഘവും. അപകടത്തില്‍ ബൈക്ക് യാത്രികന് ഗുരുതര പരിക്കേറ്റിട്ടുണ്ട്. തൃശൂര്‍ സ്വദേശി ലിജിത്തിന്റെയും ഭാര്യയുടെയും വലത്തെ കാലിന്റെ തുടയെല്ല് പൊട്ടിയിട്ടുണ്ട്‌