ന്യൂഡല്‍ഹി: രാജ്യത്ത് ഇതുവരെ കൊവിഡ് വകഭേദം സ്ഥിരീകരിച്ചവരുടെ എണ്ണം 38 ആയതായി കേന്ദ്ര ആരോഗ്യ മന്ത്രാലയം. ഇന്ന് 9 പുതിയ കേസുകളാണ് സ്ഥിരീകരിച്ചത്. യു.കെയില്‍ നിന്ന് വന്നവരാണ് എല്ലാവരും.

അതേസമയം, യു.കെയിലേക്കുള്ള വിമാന സര്‍വീസ് ജനുവരി ആറുമുതല്‍ പുനഃരാരംഭിക്കും. എന്നാല്‍ യു.കെയില്‍നിന്ന് ഇന്ത്യയിലേക്കുള്ള വിമാനസര്‍വിസുകള്‍ ജനുവരി എട്ടിനേ ആരംഭിക്കുകയുള്ളൂ. ജനിതക വ്യതിയാനം വന്ന കൊറോണ വൈറസ് കണ്ടെത്തിയതിനു പിന്നാലെയാണ് യു.കെയില്‍നിന്നുള്ള വിമാനസര്‍വിസുകള്‍ ഇന്ത്യ താല്‍ക്കാലികമായി റദ്ദാക്കിയത്.