തിരുവനന്തപുരം: ബൈക്ക് നിയന്ത്രണം വിട്ട് മരത്തിലിടിച്ച് മൂന്ന് വിദ്യാര്‍ഥികള്‍ മരിച്ചു. തിരുവനന്തപുരം വഴിയിലയിലാണ് ബൈക്ക് യാത്രക്കാരായ ബിനീഷ്(16), സ്റ്റെഫിന്‍(16), മുല്ലപ്പന്‍(16) എന്നിവരാണ് മരിച്ചത്.
സുഹൃത്തിന്റെ ബൈക്ക് വാങ്ങി മറ്റൊരു സുഹൃത്തിനെ കൊണ്ടാക്കി തിരിച്ചുമടങ്ങുന്നതിനിടെയാണ് അപകടമുണ്ടായത്. അപകടത്തിന്റെ സിസിടിവി ദൃശ്യങ്ങളില്‍ അമിതവേഗതയാണ് അപകടകാരണമായി വ്യക്തമാകുന്നത്.

ബൈക്ക് നിയന്ത്രണം വിട്ട് കാടുമൂടിയ റോഡ് സൈഡിലെ മരത്തിലേക്ക് ഇടിച്ചു കയറുന്നതാണ് സിസിടിവി ദൃശ്യങ്ങളില്‍നിന്നു വ്യക്തമാകുന്നത്. ഇവരെ ഉടനെ മെഡിക്കല്‍ കോളജ് ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. മരിച്ചവരെക്കുറിച്ചുള്ള വിവരങ്ങള്‍ ശേഖരിക്കുകയാണ് പൊലിസ്. മൃതദേഹങ്ങള്‍ മോര്‍ച്ചറിയിലേക്കു മാറ്റി.