ഇന്ത്യക്കെതിരായ രണ്ടാം ടെസ്റ്റില്‍ ദക്ഷിണാഫ്രിക്കയ്ക്ക് 240 റണ്‍സ് വിജയലക്ഷ്യം. മൂന്നാംദിനം ഇന്ത്യയുടെ രണ്ടാം ഇന്നിങ്‌സ് 266 റണ്‍സില്‍ അവസാനിച്ചു. ഇന്ത്യക്കായി ചേതേശ്വര്‍ പൂജാര, അജിന്‍ക്യ രഹാനെ എന്നിവര്‍ അര്‍ധസെഞ്ച്വറി നേടി.

രണ്ട് വിക്കറ്റ് നഷ്ടത്തില്‍ 85 എന്ന നിലയില്‍ മൂന്നാം ദിനം കളിതുടങ്ങിയ ഇന്ത്യക്ക് മികച്ച തുടക്കമാണ് കിട്ടിയത്. അജിന്‍ക്യ രഹാനെയും ചേതേശ്വര്‍ പൂജാരയും പതിവിലും വേഗത്തില്‍ റണ്‍സടിച്ചുകൂട്ടിയതോടെ ഇന്ത്യന്‍ വന്‍ ലീഡിലേക്ക് കുതിക്കുമെന്ന പ്രതീതി വന്നു.

എന്നാല്‍ ഇവരുടെ കൂട്ടുകെട്ട് 111 റണ്‍സ് നേടിയതിന് പിന്നാലെ 55 റണ്‍സെടുത്ത രഹാനെ പുറത്തായി. വൈകാതെ തന്നെ 53 റണ്‍സെടുത്ത പൂജാരയും പുറത്തായി. തുടര്‍ന്ന് മികച്ചൊരു കൂട്ടുകെട്ട് പടുത്തുയര്‍ത്താന്‍ ഇന്ത്യക്കായില്ല.