വടകര: കാര്‍ട്ടൂണിസ്റ്റ് എം. അജയകുമാറിന്റെ തിരഞ്ഞെടുത്ത കാര്‍ട്ടൂണ്‍ സമാഹാരത്തിന്റെ പ്രകാശനം ചായക്കടയില്‍ വച്ചു നടത്തി കൗതുകമായി. നാദാപുരം റോഡ് കെ.ടി ബസാറിലെ കുഞ്ഞിക്കണ്ണന്റെ ചായക്കടയിലാണു പുസ്തക പ്രകാശനം നടന്നത്.
ക്ഷീര കര്‍ഷകന്‍ തേവര്‍കുന്നുമ്മല്‍ കൃഷ്ണകുമാര്‍ കുഞ്ഞിക്കണ്ണനില്‍ നിന്ന് ആദ്യപ്രതി ഏറ്റുവാങ്ങി. ചടങ്ങില്‍ അഡ്വ.പി.കെ രവീന്ദ്രന്‍ അധ്യക്ഷനായി. ഭാരതദേശം പത്രാധിപര്‍ എ. ഗംഗാധരന്‍, ആര്‍ട്ടിസ്റ്റ് ഓമന, എം.ജി രഞ്ജിത്ത്, ശ്രീരഞ്ജിനി മാഹി, ആര്‍ട്ടിസ്റ്റ് അശോക്കുമാര്‍, എം. അജയകുമാര്‍ സംസാരിച്ചു.