കൊച്ചി: കൊച്ചിയില്‍ സില്‍വല്‍ ലൈന്‍ വിശദീകരണ യോഗവേദിക്ക് മുന്നില്‍ മുഖ്യമന്ത്രിക്കെതിരെ യൂത്ത് കോണ്‍ഗ്രസിന്റെ കരിങ്കൊടി പ്രതിഷേധം. പ്രതിഷേധക്കാരെ പൊലീസ് ബലംപ്രയോഗിച്ച് നീക്കി.

വലിയ രീതിയിലുള്ള പോലീസ് സന്നാഹം പ്രദേശത്തുണ്ടായിരുന്നു. പ്രതിഷേധം ഉയര്‍ത്തിയ യൂത്ത് കോണ്‍ഗ്രസ് പ്രവര്‍ത്തകരെ പിന്നീട് പോലീസ് അറസ്റ്റ് ചെയ്തു നീക്കി.

സില്‍വര്‍ ലൈന്‍ പദ്ധതിക്കെതിരെ പ്രതിപക്ഷ പാര്‍ട്ടികളുള്‍പ്പെടെ വിവിധ കോണുകളില്‍ നിന്ന് പ്രതിഷേധം ഉയരുന്ന സാഹചര്യത്തിലും വിശദീകരണ യോഗം വിളിച്ചിരിക്കുകയാണ് മുഖ്യമന്ത്രി.