ചണ്ഡിഗഡ്: അമൃത്‌സര്‍ വിമാനത്താവളത്തിലെത്തിയ 125 എയര്‍ ഇന്ത്യ യാത്രക്കാര്‍ക്ക് കൊവിഡ്. ഇറ്റലിയില്‍നിന്നും അമൃത്സറിലെത്തിയ യാത്രക്കാര്‍ക്കാണ് കൊവിഡ് പിടിപെട്ടത്. വിമാനത്താവളത്തില്‍ നടത്തിയ കൊവിഡ് ടെസ്റ്റിലാണ് കൊവിഡ് സ്ഥിരീകരിച്ചത്.

179 പേരാണ് ഇറ്റലി- അമൃതസര്‍ വിമാനത്തില്‍ ഉണ്ടായിരുന്നത്. വിമാനത്താവളത്തില്‍ നടത്തിയ പരിശോധനയിലാണ് 125 പേര്‍ക്ക് വൈറസ് ബാധ കണ്ടെത്തിയത്.

കേന്ദ്ര ആഭ്യന്തരസഹമന്ത്രി നിത്യാനന്ദ റായിക്ക് കോവിഡ് സ്ഥിരീകരിച്ചു. മന്ത്രി തന്നെയാണ് ഇക്കാര്യം അറിയിച്ചത്. നേരിയ രോഗലക്ഷണങ്ങളെ തുടര്‍ന്ന് ഇന്ന് നടത്തിയ പരിശോധനയിലാണ് ഫലം പോസിറ്റീവായത്. താന്‍ വീട്ടില്‍ നിരീക്ഷണത്തിലാണെന്നും താനുമായി സമ്പര്‍ക്കം പുലര്‍ത്തിയവര്‍ ആവശ്യമായ നടപടികള്‍ സ്വീകരിക്കണമെന്നും അദ്ദേഹം പറഞ്ഞു.