ജൊഹന്നാസ്ബര്‍ഗ്: ഒടുവില്‍ മഴയും തുണച്ചില്ല, ദക്ഷിണാഫ്രിക്കയോട് ഇന്ത്യക്ക് തോല്‍വി. ആദ്യ രണ്ട് സെഷനുകളും മഴ കൊണ്ടുപോയിട്ടും നാലാം ദിനത്തില്‍ ദക്ഷിണാഫ്രിക്കയോട് ഇന്ത്യാ ടീം പരാജയപ്പെട്ടു.
രണ്ടാം ടെസ്റ്റില്‍ ദക്ഷിണാഫ്രിക്ക ഏഴുവിക്കറ്റിനാണ് ജയിച്ചത്. 96 റണ്‍സുമായി പുറത്താകാതെ മുന്നില്‍ നിന്നും നയിച്ച എല്‍ഗറായിരുന്നു കളിയിലെ നായകന്‍. ഏട്ട് വിക്കറ്റും രണ്ട് ദിവസവും ബാക്കി നില്‍ക്കെ 122 റണ്‍സ് ലക്ഷ്യവുമായി നാലാം ദിനം ബാറ്റിങിന് ഇറങ്ങിയ ദക്ഷിണാഫ്രിക്കക്ക് മഴയായിരുന്നു ആദ്യ വെല്ലുവിളി. തകര്‍ത്തുപെയ്ത മഴ ആദ്യ രണ്ടു സെഷനും ഒഴുക്കിക്കളയുകയായിരുന്നു.