അൽ ഉല: ചരിത്രമായി നാൽപത്തിയൊന്നാമത് ഗൾഫ് സഹകരണ കൗൺസിൽ ഉച്ചകോടിക്കെത്തിയ ഖത്തർ അമീറിന് ഡ്രൈവറായി സഊദി കിരീടാവകാശി. ഖത്തറിനെതിരെയുള്ള ഉപരോധം പിൻവലിക്കുകയും ഉച്ചകോടിക്ക് ഖത്തർ അമീർ പങ്കെടുക്കുകയും ചെയ്‌തതോടെ ഉച്ചകോടി ചരിത്രത്തിൽ ഇടം നേടിയിരുന്നു. ഇതിനു പിന്നാലെയാണ് ചരിത്രമുറങ്ങുന്ന ഉച്ചകോടി നടന്ന അൽ ഉലയിലെ കേന്ദ്രങ്ങൾ ഖത്തർ അമീറിനെ സഊദി കിരീടാവകാശി ചുറ്റി കാണിച്ചത്.

    ആഡംബര കാറിൽ ഡ്രൈവർ സീറ്റിൽ വാഹനത്തിന്റെ നിയന്ത്രണം ഏറ്റെടുത്ത സഊദി കിരീടാവകാശിയുടെ തൊട്ടടുത്ത സീറ്റിൽ ഇരുന്ന ഖത്തർ അമീർ ചരിത്ര സ്ഥലങ്ങൾ സന്ദർശിക്കുന്ന ഫോട്ടോ അറബ് മീഡിയകളിൽ ഇതിനകം തന്നെ വൈറലായിക്കഴിഞ്ഞു.