ഫറോക്ക്: അന്‍വാറുല്‍ ഇസ്‌ലാം മദ്‌റസ സ്റ്റാഫ് കൗണ്‍സിലിന്റെ നേതൃത്വത്തില്‍ വിപുലമായ സ്വാതന്ത്ര്യദിനാഘോഷ പരിപാടി സംഘടിപ്പിച്ചു. മഹല്ല് ഖത്തീബ് റിയാസ് ഫൈസി ഉദ്ഘാടനം ചെയ്തു. മഹല്ല് കമ്മിറ്റി പ്രസിഡണ്ട് മൊയ്തീന്‍കുട്ടി ഹാജി പതാക ഉയര്‍ത്തി. മദ്‌റസ ലീഡര്‍ ജുനൈദ് പ്രതിജ്ഞ ചൊല്ലിക്കൊടുത്തു. പ്രധാനാധ്യാപകന്‍ അര്‍.വി.അബ്ദുല്‍ സലാം മുസ്‌ലിയാര്‍ അധ്യക്ഷം വഹിച്ചു. മഹല്ല് ജോയിന്റ് സെക്രട്ടറി അഷ്‌ക്കര്‍, സിയാദ്, ജംഷീര്‍ ദാരിമി, അബ്ദുല്‍ ഗഫൂര്‍ മുസ്‌ലിയാര്‍, യൂസുഫ് മുസ്‌ലിയാര്‍ സംസാരിച്ചു.
 കോഴിക്കോട്: ഗവ മോഡല്‍ ഹയര്‍ സെക്കന്‍ഡറി സ്‌കൂളില്‍ പ്രിന്‍സിപ്പല്‍ എ.എന്‍ സത്യന്‍ പതാക ഉയര്‍ത്തി. പി.ടി.എ പ്രസിഡന്റ് ഷെയ്ഖ് ശഫ്‌റുദ്ദീന്‍, എം.ആര്‍ ദീപ സംസാരിച്ചു.
കോഴിക്കോട്:  വട്ടാംപൊയില്‍ ഏരിയ റസിഡന്റ്‌സ് വെല്‍ഫെയര്‍ അസോസിയേഷന്‍ സ്വാതന്ത്ര്യദിനാഘോഷത്തില്‍ പ്രശാന്ത്  കളത്തിങ്ങല്‍ പതാക ഉയര്‍ത്തി. എക്‌സൈസ് ഇന്‍സ്‌പെക്ടര്‍ എം.കെ ഗിരീഷ് മുഖ്യാതിഥിയായി. ബി.വി  മുഹമ്മദ് അഷ്‌റഫ്, എം സലീം ബാഷ, വാടിയില്‍ സുന്ദര്‍രാജ്, എം.വി അബ്ദുല്ലക്കോയ, ഇ ബഷീര്‍,  പുനത്തില്‍ ചന്ദ്രന്‍ സംസാരിച്ചു.
കോഴിക്കോട്: ഗാന്ധിയന്‍ പൗരസമിതിയുടെ ആഭിമുഖ്യത്തില്‍ നടന്ന പരിപാടിയില്‍ കെ.പി കേശവമേനോന്‍ റോഡില്‍ കട്ടയാട്ട് വേണുഗോപാല്‍ ദേശീയ പതാക ഉയര്‍ത്തി.
ആഴ്ചവട്ടം: ആഴ്ചവട്ടം ഗവ. എല്‍.പി  സ്‌കൂളില്‍ സ്വാതന്ത്ര്യദിനാഘോഷത്തില്‍ കൗണ്‍സിലര്‍ പി.പി ഷഹീദ പതാക ഉയര്‍ത്തി. പി.ടി.എ  പ്രസിഡന്റ് അഡ്വ. സക്കീര്‍ അധ്യക്ഷനായി. ഹെഡ്മിസ്ട്രസ് ടി.കെ മൈഥിലി സ്വാതന്ത്ര്യദിന സന്ദേശം  നല്‍കി.
കോഴിക്കോട്: കിരാലൂര്‍ എ.യു.പി സ്‌കൂളില്‍ സ്‌കൂള്‍ ഹെഡ്മാസ്റ്റര്‍ ഇന്‍ചാര്‍ജ് പി. മുഹമ്മദലി മാസ്റ്റര്‍ പതാക ഉയര്‍ത്തി. ചടങ്ങ് പഞ്ചായത്ത് അംഗം പ്രേമവല്ലി ഉദ്ഘാടനം ചെയ്തു.