തിരുവനന്തപുരം
അധ്യാപകരുടെ സാഹിത്യ അഭിരുചിക്കുള്ള 2020ലെ പ്രൊഫ. ജോസഫ് മുണ്ടശേരി സ്മാരക സാഹിത്യ അവാർഡ് പ്രഖ്യാപിച്ചു. സർഗാത്മക സാഹിത്യത്തിൽ ഡി. ഷാജി (വൃന്ദാവൻ ഹൈസ്‌കൂൾ വ്‌ളാത്താംകര, നെയ്യാറ്റിൻകര) രചിച്ച ''ദേശത്തിലെ വിധവയുടെ വീട് '' , വൈജ്ഞാനിക സാഹിത്യത്തിൽ ഡോ. പി. സുരേഷ് (എച്ച്.എസ്.എസ്.ടി ഗവ. ഹയർസെക്കൻഡറി സ്‌കൂൾ പാലയാട്, തലശേരി, കണ്ണൂർ) രചിച്ച ''പുഴയുടെ ഏറ്റവും താഴെയുള്ള കടവ് '', ബാലസാഹിത്യത്തിൽ എം. കൃഷ്ണദാസ് (ട്രെയ്നർ, ബി.ആർ.സി മണ്ണാർക്കാട്, തെങ്കര, പാലക്കാട്) രചിച്ച ''സ്‌കൂൾക്കഥകൾ'' എന്നീ കൃതികളാണ് അവാർഡ് നേടിയത്. 10,000 രൂപയും പ്രശസ്തിപത്രവും ശിൽപവും അടങ്ങുന്ന അവാർഡ് ജേതാക്കൾക്ക് സമ്മാനിക്കും.