റിയാദ്: സഊദിയിലെ അൽ അർദ ഗവർണറേറ്റിൽ ഉണ്ടായ വാഹനാപകടത്തിൽ കുടുംബത്തിലെ നാല് പേർ മരണപ്പെട്ടു. അൽ അർദ ഗവർണേറേറ്റിനെയും അൽ ഖോബയെയും തമ്മിൽ ബന്ധിപ്പിക്കുന്ന റോഡിൽ ഇന്ന് പുലർച്ചെയാണ് അപകടം നടന്നത്. അപകടത്തിൽ സഊദി പൗരനും ഭാര്യയും രണ്ടു പെൺമക്കളുമാണ് മരണപ്പെട്ടത്. ഇതേ ഭാഗത്ത് ഒരാഴ്ച്ച മുമ്പുണ്ടായ അപകടത്തിൽ സഊദി യുവാവ് മരണപ്പെട്ടിരുന്നു. ഭ്രാന്തമായ വേഗത കാരണം ജനങ്ങളെ ഭയപ്പെടുത്തുന്ന റോഡാണിതെന്നാണ് പരിസരവാസികൾ വെളിപ്പെടുത്തുന്നത്.

    കഴിഞ്ഞയാഴ്ച്ച നടന്ന സംഭവത്തിൽ ഒരാൾ മരണപ്പെട്ടതിനു പുറമെ മറ്റൊരാൾ ദുരുതരാവസ്ഥയിൽ തുടരുകയാണ്. ഏതാനും വര്ഷങ്ങളായി ഇതേ റോഡിൽ നിരവധി അപകടങ്ങളാണ് നടന്നതെന്നും നിരവധി ജീവനുകൾ പൊലിഞ്ഞുവെന്നും സമീപ വാസികൾ പറഞ്ഞു.