കോഴിക്കോട്: ജില്ലാ ടൂറിസം പ്രൊമേഷന്‍ കൗണ്‍സിലിന്റെ ആഭിമുഖ്യത്തില്‍ സെപ്റ്റംബര്‍ 11 മുതല്‍ 15 വരെ സംഘടിപ്പിക്കുന്ന ഓണാഘോഷ പരിപാടികളുടെ നടത്തിപ്പിന് സംഘാടകസമിതി രൂപീകരിച്ചു. കലക്ടറേറ്റ് കോണ്‍ഫറന്‍സ് ഹാളില്‍ നടന്ന യോഗത്തില്‍ ഡി.ടി.പി.സി ചെയര്‍മാന്‍ കൂടിയായ ജില്ലാ കലക്ടര്‍ എന്‍. പ്രശാന്ത് അധ്യക്ഷനായി. ജില്ലാ കലക്ടര്‍ ചെയര്‍മാനും ഡി.ടി.പി.സി സെക്രട്ടറി കൂടിയായ സബ് കലക്ടര്‍ കെ. ഗോപാലകൃഷ്ണന്‍  ജനറല്‍ കണ്‍വീനറുമാണ്. നവിവിധ സബ് കമ്മിറ്റികള്‍ 20ന് മുന്‍പ് യോഗം ചേര്‍ന്ന് പരിപാടികള്‍ക്ക് അന്തിമരൂപം നല്‍കും. യോഗത്തില്‍ എം.എല്‍.എമാരായ എ. പ്രദീപ്കുമാര്‍, എം.കെ മുനീര്‍, ജില്ലാ പഞ്ചായത്ത് പ്രസിഡന്റ് ബാബു പറശ്ശേരി, ഡെപ്യൂട്ടി കലക്ടര്‍മാരായ ഷാമിന്‍ സെബാസ്റ്റ്യന്‍, കെ. സുബ്രഹ്മണ്യന്‍, ഡി.ടി.പി.സി എക്‌സിക്യൂട്ടീവ് അംഗം പി.എം റിയാസ് പങ്കെടുത്തു.