മുട്ടാഞ്ചേരി: വ്യതിരിക്തങ്ങളായ വിജ്ഞാന ശാഖകളില്‍ വച്ച് ഏറ്റവും പ്രധാനപ്പെട്ടതാണ് രാഷ്ട്രമീമാംസയെന്നും ഒരു യഥാര്‍ഥ രാഷ്ട്രീയ പ്രവര്‍ത്തകന്‍ സമൂഹത്തിന്റെ എഞ്ചിനിയറാണെന്നും പാണക്കാട് സയ്യിദ് മുനവ്വറലി ശിഹാബ് തങ്ങള്‍ പ്രസ്താവിച്ചു.  മടവൂര്‍ പഞ്ചായത്ത് ജി.സി.സി, കെ.എം.സി.സി, യൂത്ത്‌ലീഗ്, എം.എസ്.എഫ് സഹകരണത്തോടെ തുടങ്ങുന്ന പൊളിറ്റിക്കല്‍ സ്‌കൂളിന്റെയും പ്രവാസി സംഗമത്തിന്റെയും ഉദ്ഘാടനം നിര്‍വഹിച്ച് സംസാരിക്കുകയായിരുന്നു അദ്ദേഹം. സി. മുഹമ്മദ് ആരാമ്പ്രം അധ്യക്ഷത വഹിച്ചു. ജി.സി.സി കെ.എം.സി.സിയുടെ ഉപഹാരം ഖത്തര്‍ അബു മൗലവിയും സി.എം മഖാം ഓര്‍ഫനേജ് ഉപഹാരം യു.ഷറഫുദ്ദീന്‍ മാസ്റ്ററും തങ്ങള്‍ക്ക് കൈമാറി.
ഗ്രാമ പഞ്ചായത്ത് പ്രസിഡണ്ട് വി.സി. അബ്ദുല്‍ ഹമീദ് മാസ്റ്റര്‍, ശമീം മടവൂര്‍, നവാസ് ഇല്ലത്ത് , ഒ.കെ. മുഹമ്മദലി, എ.പി. യൂസുഫലി സംസാരിച്ചു. പൊളിറ്റിക്കല്‍ സ്‌കൂള്‍ പദ്ധതി റാഫി ചെരച്ചോറ അവതരിപ്പിച്ചു.