ന്യൂഡല്‍ഹി: നീറ്റ് - പിജി പ്രവേശനത്തിനുള്ള കൗണ്‍സിലിങ് ബുധനാഴ്ച്ച ആരംഭിക്കും. കേന്ദ്ര ആരോഗ്യ മന്ത്രി മന്‍സുഖ് മാണ്ഡവ്യയാണ് ഇക്കാര്യം അറിയിച്ചത്. നീറ്റ് പിജി പ്രവേശന പരീക്ഷയില്‍ യോഗ്യത നേടിയവര്‍ക്ക് ഔദ്യോഗിക വെബ്സൈറ്റ് വഴി രജിസ്റ്റര്‍ ചെയ്യാവുന്നതാണ്.

നീറ്റ് പി ജി കൗണ്‍സിലിംഗ് ഉടന്‍ ആരംഭിക്കണമെന്ന് സുപ്രീം കോടതി കഴിഞ്ഞ ദിവസം ആവശ്യപ്പെട്ടിരുന്നു . നീറ്റ് പി ജി പ്രവേശനത്തിന് മുന്നാക്ക സംവരണം ഈ വര്‍ഷം നടപ്പാക്കാനാണ് ഉത്തരവിലൂടെ കേന്ദ്ര സര്‍ക്കാര്‍റിന് കോടതി അനുമതി നല്‍കിയിരിക്കുന്നത്. ഇതോടെ ഏറെ നാളായി നിലനില്‍ക്കുന്ന ആശങ്കയ്ക്കാണ് താല്‍ക്കാലിക പരിഹാരമായിരിക്കുന്നത്. ദേശീയ താല്‍പര്യം മുന്‍നിര്‍ത്തി കൗണ്‍സിലിംഗ് എത്രയും വേഗം ആരംഭിക്കാനാണ് ജസ്റ്റിസ് ഡി വൈ ചന്ദ്രചൂഡ് നിരീക്ഷിച്ചു .