പനാജി: ഹൈദരാബാദ് എഫ്.സിയുമായുള്ള കേരളാ ബ്ലാസ്റ്റേഴ്‌സിന്റെ ഐ.എസ്.എല്‍ മത്സരത്തില്‍ കൊമ്പന്‍മാര്‍ ഒരടി മുന്നില്‍. 42ാം മിനുട്ടില്‍ അല്‍വാരോ വാസ്‌കെസ് നേടിയ ഗോളിലാണ് മഞ്ഞപ്പട മുന്നിലെത്തിയിരിക്കുന്നത്. ബ്ലാസ്റ്റേഴ്‌സിന് അനുകൂലമായി ലഭിച്ച ത്രോ ഇന്‍ ഗോളാക്കി മാറ്റിയാണ് വാസ്‌കെസ് കൊമ്പന്‍മാരെ മുന്നിലെത്തിച്ചത്. അതേസമയം മത്സരത്തില്‍ പിന്നിലായതിന്റെ ക്ഷീണം തീര്‍ക്കാന്‍ ഹൈദരാബാദ് എഫ്.സിയും പൊരുതുകയാണ്. ആദ്യപകുതി അവസാനിക്കുന്നതിന് തൊട്ടുമുന്നേ ഒഗ്ബച്ചേ അടിച്ച പന്ത് ബ്ലാസ്റ്റേഴ്‌സിന്റെ പോസ്റ്റിന് തൊട്ടുരുമ്മിയാണ് പുറത്തേക്ക് പോയത്.