മെല്‍ബണ്‍: ഓസ്ട്രേലിയന്‍ ഓപ്പണ്‍ ടെന്നീസ് ടൂര്‍ണമെന്റില്‍ പങ്കെടുക്കാന്‍ സെര്‍ബിയന്‍ ഇതിഹാസം നൊവാക് ജോകോവിച്ചിന് അനുമതി. ഇമിഗ്രേഷന്‍ തടങ്കലില്‍ നിന്നും താരത്തെ ഉടന്‍ മോചിപ്പിക്കാനും ജഡ്ജി ഉത്തരവിട്ടു.

ഇതോടെ ദിവസങ്ങളായി നീണ്ട സംഭവവികാസങ്ങള്‍ക്കാണ് അറുതിയായിരിക്കുന്നത്. കൊവിഡ് വാക്സില്‍ സ്വീകരിക്കാതെയാണ് ജോകോവിച്ച് ഓസ്ട്രേലിയന്‍ ഓപ്പണില്‍ മല്‍സരിക്കാനെത്തിയത്. രണ്ടു ഡോസ് വാക്സിനെടുത്തവര്‍ക്കു മാത്രമേ ഓസ്ട്രലേിയന്‍ ഓപ്പണില്‍ പങ്കെടുക്കാന്‍ അനുവാദമുള്ളൂവെന്നു നേരത്തേ വ്യക്തമാക്കിയിരുന്നു.

വാക്സിന്‍ സര്‍ട്ടിഫിക്കറ്റ് ഇല്ലാത്തതിനാല്‍ വിമാനത്താവളത്തില്‍ തടഞ്ഞുവയ്ക്കുകയായിരുന്നു, തുടര്‍ന്ന് ജോകോവിച്ചിനെ ഹോട്ടലില്‍ തടവില്‍ പാര്‍പ്പിച്ചിരിക്കുകയായിരുന്നു.